1-Ҳисоблагичлар дастурланган. СИЗНИНГ ҳисблагичингиз электрнинг қайси ўлчамларини ҳисобга олади? Номланиши/ белгиланиши/ "тугма” билан қандай чақирилади?
2-Реактив/фаол энергиянинг ҳисобини юритиш (ҳа/йўқ). Тўловга қандай таъсир кўрсатади?
ЕХ18 туридаги электроэнергия ҳисобини юритиш ускунаси фаол ва реактив энергия ҳисобини тўғри ва тескари йўналиш бўйича юритади. Истеъмолчи фақат тўғри йўналишда фойдаланилган фаол энергия ҳақини тўлайди. Реактив энергия ҳақ тўлашда ҳисобга олинмайди.
3-Тармоқдаги кучланишнинг пастлиги. Стабилизаторлардан фойдаланишда 170/180 кучланишда истеъмол қандай ўзгаради? Нима учун истеъмолчи кам кучланиш учун қўшимча ҳақ тўлаши керак (меъёрий асослаш)?
Юқори ёки паст кучланиш ЕХ18 туридаги электроэнергия ҳисобини юритиш ускунаси аниқлигига ҳеч қандай таъсир кўрсатмайди. Ниҳоявий ишчи кучланиш билан номинал кучланиш диапозони 161-276 ни ташкил этади.
Физик қонуниятларга таянадиган бўлсак, кучланиш камайганда, ток мутаносиб тарзда ошади, демак, истеъмол ўзгармайди. Стабилизаторлар ўрнатилганда истеъмол ошади, стабилизаторнинг фик дан келиб чиқиб, масалан, стабилизаторнинг фик 95 % га тенг бўлса, юклама пайтида у 1 кВтс + 5% энергия истеъмол қилади, шунингдек, бўш ишлатилганда стабилизаторнинг техник хоссаларига кўра энергия сарфлайди.
4- Т1/Т2 ва ҳ.з. - бу нима? Агарда бу Тариф бўлса, у ҳақ тўлашга қандай таъсир кўрсатади ва умуман, турлича тарификацияларни киритиш режалаштирилганми?
Т1/T2/T3/Т4 – бу энергияни кун пайтига нисбатан тарифлар бўйича ҳисоблаш бўлиб, ҳозирги пайтда ушбу функциядан фойдаланилмаяпти. Келажакда вақтга оид бўлинишлар кўзда тутилган, бунда куннинг турли пайтида электр энергиянинг нархи турлича бўлади. Ушбу ҳисоб-китоб уланиш қиймати 750 кВт га тенг юридик абонентлар учун қўлланилмоқда.
5-Ўрнатишда йўл қўйилган хатолар.
–"Қизил" лампочкалар. Улар нима сабабдан ёнади. Қандай қилиб тузатиш керак.
– "Устида чизилган тойчоқ". Ҳозирги пайтда ҳисоблагичларнинг аксарияти шуни кўрсатмоқда. Нимани билдиради? Ким ва қандай қилиб тузатиши керак?
Қизил лампочканинг ёниши қуйидагиларни билдиради: клемма билан қопқоқнинг очилиши, абонентнинг қарз учун узиб қўйилиши, дифференциал ток, айланма линия борлиги. "Устида чизилган тойчоқ" ҳисоблагич қопқоғи, клемма колодкаси, модем қопқоғи очилганда, магнит майдони таъсир кўрсатганда ёнади.
6- Ҳисоблагич қайси корхона томонидан ишлаб чиқарилган, ишлаб чиқарилиши санаси, муддати қандай?
Ишлаб чиқарувчи - «ElektronXisoblagich» МЧЖ ҚК. Корхонага 2004 йилда асос солинган. Ишлаб чиқарувчи ишлатилиши бошланганидан сўнг 18 ой муддатга кафолат беради.
7- Ўзбекстонда ҳисоблагичлар қандай компания орқали харид қилинмоқда? Бундай ҳисоблагичлар яна қаерда (мамлакатлар, шаҳарларда) ўрнатилган. Иш тажрибаси, бундай ҳисоблагичлар муқобили борми?
Ҳисоблагичлар Ўзбекистон Республикасида ишлаб чиқарилади. Ишлаб чиқарувчи «ElektronXisoblagich» МЧЖ ҚК. Корхонага 2004 йилдан асос солинган бўлиб, у Ўзбекистон Республикаси ва яқин хорижий мамлакатлар учун электрон ҳисблагичларни ишлаб чиқариш билан шуғилланади.
8- Ускунанинг паспорти, йўриқномаси борми, қайси тилда битилган?
Паспорт ва йўриқома ҳар бир ҳисоблагич учун алоҳида, давлат тилида ёки рус тилида берилади.
9-Ҳисоблагич-ускунанинг созлиги ва аниқлигини қандай текшириш мумкин?
Ҳисоблаш ускунасининг аниқлиги учун сертификациялаш бўйича компания – Узстандарт жавоб беради, ҳар бир ҳисоблаш ускунаси инсон аралашмаган ҳолда юқори аниқликдаги ускунада текширилади. Ҳам ҳисблагични, ҳам маълумотарга ишлов бериш марказини бузиб кириш ва кибер ҳужумлардан ҳимоя қилиш бўйича ишончли тизим мавжуд.
Сиз мустақил тарзда ҳисоблагични "Ўзстандарт" текширувидан ўтказмоқчи бўлсангиз, электр энергияси таъминоти корхонасига ёзма тарзда мурожаат этишингиз мумкин ва мутахассислар ҳисоблагични ечиб олиб, қўлингизга тутқазадилар. Шундан сўнг Сиз "Ўзстандарт"нинг ўзингизга қулай бўлимига мурожаат этишингиз мумкин. Агар метеорологик экспертиза ҳисоблагич нотўғри ишлаётганини тасдиқласа, экспертиза натижаларини электр энергияси таъминоти корхонасига тақдим этасиз ва улар қайта ҳисоб-китоб қилиб, экспертиза учун тўлаган пулингизни ҳам қайтариб беради.
2946
