Мамлакатимизда бугунги кунда тадбиркорларнинг эркин фаолият юритиши учун яратилган кенг имтиёз ва қулайликлар самараси ўлароқ, ушбу соҳа вакилларининг иқтисодиётдаги улуши янада ортиб бораётгани қувончли ҳолат, албатта. Бироқ ўз фаолиятини мавжуд қонун талаблари асосида ривожлантириш ўрнига турли қонунбузарлик йўллари билан даромадини оширишни кўзловчи “тадбиркор”лар ҳам, афсуски, учраб турибди.
“Ўзэнергоинспекция”нинг Сирдарё ҳудудий бўлими ва Мажбурий ижро бюроси Сирдарё вилоят бошқармаси билан биргаликда истеъмолчилар томонидан электр энергиясидан фойдаланиш қоидалари ўрганилганда ўғриликнинг турли қинғир усуллардан фойдаланаётганлиги аниқланмоқда.
Хусусан, жорий йилнинг февраль ойида Гулистон шаҳри эски деҳқон бозор ҳудудидаги истеъмолчиларнинг электр энергиясидан фойдаланиш қоидалари бўйича ўрганиш ўтказилди. Ўрганиш жараёнида умумий овқатланиш шохобчаларида фаолият олиб бораётган якка тартибдаги тадбиркорлар Ж.Хасанов, Б.Садиев, Т.Макарова, Ж.Казаковлар ўз шаҳобчаларида ноқонуний электр тармоқларига уланиб олингани аниқланди.
Шунингдек, Оқолтин тумани Сардоба шаҳарчасида жойлашган “Уддабурон Барака Нон” МЧЖга қарашли нон маҳсулотларини таёрлаш цехи ҳам ноқонуний электр тармоқларига уланиб фойдаланаётганлиги аниқланди.
Мажбурий ижро бюроси Гулистон шаҳар бўлими ходимлари томонидан Истемолчиларга нисбатан қоидабузарлик далолатномаси расмийлаштирилди. Натижада, 5 нафар якка тартибдаги тадбиркор ҳамда “Уддабурон барака нон” МЧЖга жами бўлиб 19 101 120 сўм миқдорда корхонага етказилган зарар миқдори қайта ҳисоб-китоб амалга оширилди.
Энергетика вазирлиги Матбуот хизмати
“Ўзэнергоинспекция” Матбуот хизмати билан ҳамкорликда
2121
