Ўзбекистон Республикаси Президентининг 2020 йил 9 январдаги ПҚ-4563 - сонли «2020-2022 йилларда Ўзбекистон Республикаси Инвестиция дастурини амалга ошириш чора-тадбирлари тўғрисида»ги Қарорига мувофиқ “Ўзбекнефтгаз” АЖ томонидан “Муборак газни қайта ишлаш заводида суюлтирилган газ олиш қурилмасининг 4-ниткасини қуриш” бўйича қиймати 58 млн.долларлик инвестиция лойиҳаси амалга оширилмоқда.
Лойиҳа доирасида йилига 3 млрд. куб.м газни қайта ишлаш қувватига эга бўлган суюлтирилган газ олиш қурилмасининг янги 4-тармоғини қуриш орқали қўшимча йилига 38,0 минг тоннагача пропан-бутан аралашмаси ишлаб чиқарилиб, ички бозорда суюлтирилган газга ошиб бораётган талабни қондиришга қаратилади.
Ушбу лойиҳа доирасида сиқув компрессор станцияси, газни цеолитли қуритиш қурилмаси, суюлтирилган газни қабул қилиш, сақлаш ва истеъмолчиларга юклаш учун қўшимча сиғимлар, пропан бутан аралашмасини олиш қурилмалари ва бошқа технологик ускуналарни қуриш кўзда тутилган.
Лойиҳани амалга ошириш учун Украинанинг “Сумск НПО” ва “Турбогаз” заводлари, Россиянинг “КМПО Motorcorp. L.P.” ва “Челябинский ТПЗ” заводлари, Германиянинг “Linde AG” ва бошқа заводларда ишлаб чиқарилаётган ускуналарни харид қилиш кўзда тутилган.
“Ўзбекнефтгаз” Матбуот хизмати
1268
