“МЭИ” миллий тадқиқот университети федерал давлат бюджети олий таълим муассасасининг Тошкент филиали ҳам ана шундай олийгоҳлардан бири. У Ўзбекистон Республикаси Президентининг 2019 йил 4 июндаги “Тошкент шаҳрида “МЭИ” миллий тадқиқот университети федерал бюджети олий таълим муассасаси филиалини ташкил этиш тўғрисида”ги қарорига асосан ташкил этилган.
Жорий йилнинг 10 июлидан бошлаб ушбу филиалда 2019/2020 ўқув йили учун ҳужжатлар қабул қилиш бошланди.
Ҳужжатлар Тошкент давлат техника университетининг Тошкент шаҳри, Университет кўчаси, 2-уй манзилида жойлашган Ўзбекистон-Япония ёшлар инновация маркази биносида қабул қилиняпти. Телефонлар: 71-246-39-97, 71-246-35-66.
Ҳужжатлар қабул қилишнинг охирги муддати: 2019 йил 25 июль.
Маълумот учун: 2019-/2020 ўқув йили учун 150 нафар талаба қабул қилинади. Уларнинг 30 фоизи Ўзбекистон Республикаси давлат буюртмаси (бюджет) асосида таълим олади. Контракт пулининг қолган қисми соҳа корхоналари томонидан грант асосида қопланади.
Талабалар бакалавриат таълимининг қуйидаги йўналишлари бўйича таҳсил олади:
- Иссиқлик энергетикаси ва иссиқлик техникаси (иссиқлик электр станциялари) - 50;
- Электр энергетикаси ва электр техникаси (гидро электр станциялари, электр энергетика тизими ва тармоқлари) - 100.
Абитуриентлар бир қанча ОЎЮларга ҳужжат топшириши учун қулайлик яратиш мақсадида филиалда уларнинг ҳужжатлари рус тилига таржима қилиниб, нотарил тасдиқланган нусхалари қабул қилиняпти.
Эслатма: филиал битирувчиларига “МЭИ” МТУда ўрнатилган тартибда Ўзбекистон Республикасида эътироф этиладиган диплом берилади.
Ўзбекистон Республикаси Энергетика вазирлиги матбуот хизмати
2164
