Яқинда Энергетика вазирлиги томонидан узоқ муддатли тариф сиёсати ҳақида тарқатилган хабарга кўра, бугунги кунда соҳада ривожлантирилаётган давлат-хусусий шериклиги электр энергия қийматига ижобий таъсир кўрсатади.
Давлат-хусусий шериклиги – бу Ўзбекистон электр энергетикаси учун янги ва истиқболли йўналиш ҳисобланади. Ушбу йўналишдаги дастлабки қадамлар шуни кўрсатмоқдаки, мамлакатимизда хусусий электр станцияларини қуриш ва уларни бошқаришни хоҳлаётган етакчи халқаро компаниялар ўзларининг лойиҳавий таклифларида бош мақсад сифатида бугунги кунда давлат электр станцияларида амал қилаётган электр энергияси тарифларига нисбатан паст тарифларни кўзда тутмоқда.
Шу асосда айтиш мумкинки, қабул қилинаётган чоралар билан бир қаторда давлат-хусусий шериклиги электр энергиянинг таннархини пасайтиришга ёрдам беради, ва натижада ўрта ва узоқ муддатли истиқболда қулай тариф сиёсатини таъминлашга хизмат қилади.
Энергетика вазирлигининг “Саволлар - Жавоблар” туркумига кирувчи аввалги хабари электр энергетика соҳасида ДХШ нинг моҳиятини очиб бергани ҳолда, келгуси тариф сиёсатига мақбул таъсир кўрсата оладиган ушбу янгиликларни шарҳлашга бағишланган.
Айни пайтда, яқин келажакда электр энергияси нархининг оширилиши режалаштирилмаган.
Энергетика вазирлиги Матбуот хизмати
2325
