Аввал хабар берганимиздек, Энергетика вазирлиги томонидан Сирдарё вилояти “Сардоба” сув омборидаги авария ва унинг оқибатида электр энергияси таъминотида вужудга келган узилишларни тез фурсатларда бартараф этиш ҳамда таъмирлаш-тиклаш ишларини сифатли амалга ошириш мақсадида “Сирдарё ҳудудий электр тармоқлари корхонаси” акциядорлик жамиятининг “Оқ олтин тумани электр таъминоти корхонаси” ҳудудида тезкор штаб ташкил этилди.
Айни пайтда Фарғона, Наманган ва Андижон ҳудудий электр тармоқлари корхонасилари ходимлари юзага келгаган жойлардаги аварияни тиклаш ишларига кўмаклашиш мақсадида барча зарурий техник воситалар билан Сирдарё вилоятига етиб келишган.
“Сирдарё ҳудудий электр тармоқлари корхонаси” акциядорлик жамияти билан ҳамкорликда “Сардоба” сув омборидаги авария ва унинг оқибатида электр энергияси таъминотида вужудга келган узилишлар, турли даражадаги техник авариявий ҳолатларни қайта тиклаш мақсадида туну-кун тизимли ишлар олиб борилмонқда.
Хусусан, юқорида келтирилган акциядорлик жамиятларидан жами 214 нафар ходимлар ҳамда 40 дона махсус техникалар ёрдамида Оқолтин тумани ҳудудида 20 дона трансформаторлар, узунлиги 71,8 км бўлган электр узатиш тармоғи қайта тикланди.
Шунингдек, Сардоба тумани ҳудудида “Наманган ҳудудий электр тармоқлари корхонаси” АЖ ходимлари томонидан “Дўстлик” маҳалласини электр энергия билан таъминловчи “Янги ҳаёт” потстанциясидан чиқувчи 10 кВли “Табассум” ҳаво тармоғида қуввати 160 кВА ва 250 кВАли трансформатор пунктлари ўрганилди.
Ушбу бажарилган ишлар натижасида 3182 та аҳоли хонадонлари электр энергияси билан таъминланди.
Энергетика вазирлиги Матбуот хизмати
1501
