МАГАТЭ мустақил ҳукуматлараро ташкилот сифатида атом энергиясидан тинчлик мақсадида фойдаланиш соҳасидаги ҳамкорликни ривожлантириш мақсадида иш юритади. Ўзбекистон томони республикада атом энергетикасини ривожлантириш мақсадига йўналтирилган илмий-техник ҳамкорлик доирасида МАГАТЭ билан биргаликда қатор лойиҳаларни амалга ошираётгани муносабати билан делегация Ўзбекистон Республикасининг кўп сонли вазирликлари ва идоралари иштирок этган тантанали тадбирлар ва расмий учрашувларда иштирок этди.
Расмий ташрифнинг биринчи кунида МАГАТЭ делегацияси Ўзбекистон Республикаси Фанлар академиясининг Ядро физикаси институтида бўлди, у ерда МАГАТЭ экспертларининг ЯФИ билан ҳамкорликда ўтказиладиган миссиясига (OMARR mission) расман старт берилди.
Шунингдек, делегация аъзолари ИТЯУ «МИФИ» университетининг Тошкентдаги филиалида амалга оширилаётган тайёргарлик ишлари билан танишди. Бундан ташқари, делегация Ўзбекистон Республикаси Энергетика вазирлиги раҳбарияти билан расмий учрашувда иштирок этди.
Биринчи куннинг якунида МАГАТЭ вакиллари «Ўзатом» агентлиги фаолияти билан танишди ва Атом технологиялари бўйича ахборот марказини (АТАМ) бориб кўрди. Шунингдек, «Ўзатом» агентлигида расмий учрашув бўлиб ўтди, унда 2020 йилда ИНИР миссиясини ўтказишга тайёргарлик кўриш ва ўтказиш масалалари муҳокама қилинди.
Томонлар ядровий инфратузилмани ривожлантириш доирасидаги ҳамкорликнинг бир қатор йўналишларини муҳокама қилди. Атом соҳасига илғор технологияларни жорий қилиш ва юқори малакали кадрлар малакасини ошириш муҳокаманинг асосий мавзуига айланди.
Ташрифнинг иккинчи кунида МАГАТЭ вакилларининг ушбу ташкилот билан ҳамкорликнинг 25-йиллигига бағишлаган тантанали тадбирда иштирок этиши кутилмоқда. Тадбир доирасида университет талабалари ва ОАВ вакиллари билан учрашув режалаштирилган. МАГАТЭ делегациясининг Ўзбекистонга ташрифи давом этмоқда.
1034
