“Ҳудудгаз Фарғона” МЧЖ томонидан Фарғона вилояти аҳолиси ва ижтимоий соҳа вакилларини бир маромда табиий газ билан барқарор таъминлаш мақсадида доимий назорат тадбирлари ўтказилмоқда.
Жорий йилнинг 12 май куни “Ҳудудгаз Фарғона” МЧЖ томонидан, Мажбурий ижро бюроси ходимлари билан биргаликда шаҳардаги оҳак ишлаб чиқариш корхоналарини табиий газдан оқилона фойдаланиши ҳолати назорат тартибида ўрганилди.
Назорат вақтида Ўзбекистон тумани, Қизилбоғ қишлоғи ҳудудида “BUSINESS TRADE ROOTS” МЧЖ томонидан оҳак маҳсулоти пишириш учун корхонага ўрнатилган электрон газ ҳисоблаш ускунасидан олдин, қувурдаги фильтрга қўлбола жумрак пайванд қилиб, тўғридан тўри “байпас” усули орқали резина шланг улаган ҳолда, табиий газдан ноқонуний фойдаланаётганлиги аниқланди.
Мазкур истеъмолчи “Қўқон-3” газ тақсимлаш шаҳобчаси орқали тўғридан-тўғри газ тармоғига уланган. Ушбу оҳак цехида 3 та хумдон мавжуд бўлиб, шундан 2 та хумдон ишчи ҳолатдалиги маълум бўлди.
Мазкур хумдонларнинг ҳар бирида 16 тадан жами 32 та, диаметри 25 мм.ли ностандарт газ ёндиргичлар мавжуд. Ҳар бир ностандарт газ ёндиргичдаги табиий газ босими 30 мм. сув устунига тенглиги аниқланди.
Ушбу ҳолат юзасидан, жойида Мажбурий ижро бюроси Қўқон шаҳар бўлими тезкор гуруҳи ходимлари иштирокида №0002084-сонли далолатнома расмийлаштирилиб, оҳак ишлаб чиқариш цехи фаолияти тўхтатилди. Етказилган зарар суммасини аниқлаш учун маълумотлар лойиҳа институтига тақдим этилди. Институт тақдим этувчи хулоса асосида якуний хисоб-китоблар қилиниб, қонунуий чора кўрилиши белгиланди.
Фурсатдан фойдаланиб, “Ҳудудгаз Фарғона” МЧЖ вилоят аҳолиси ва ижтимоий соҳа вакилларини бир маромда табиий газ билан барқарор таъминлаш мақсадида доимий назорат тадбирлари давом эттирилишини маълум қилади.
Ҳурматли истеъмолчилар!
Табиий газ билан боғлиқ шу каби қонунбузарлик ҳолатлари гувоҳи бўлсангиз, “104” марказлаштирилган ягона телефон рақамига қўнғироқ қилиб хабар беришингизни сўраймиз.
“Ҳудудгаз Фарғона” МЧЖ Матбуот хизмати
1103
