Ўзбекистон Республикаси Президенти Шавкат Мирзиёевнинг 2019 йил 30-31 январь кунлари Жиззах вилоятига ташрифи давомида бир қатор вазифалар белгилаб берилган эди. Уларнинг бири – “Ўзтрансгаз” акциядорлик жамияти томонидан “Huaxin Cement Jizzakh” МЧЖ хорижий корхонасини табиий газ билан таъминлашдан иборат бўлиб, бунда ушбу ҳудуддаги янги ташкил этилаётган бошқа саноат корхоналарининг эҳтиёжларини ҳам эътиборга олиш кўзда тутиш вазифаси ҳам қўйилган эди.
Мазкур топшириқ ижроси доирасида Шароф Рашидов туманида “Ўзтрансгаз” АЖ томонидан “Янгиҳаёт” газ тақсимлаш станциясининг саноат тугуни лойиҳалаштирилди ва қурилиш ишлари тезкор суръатда олиб борилмоқда.
Соатига 30 минг куб. метр табиий газ ўтказиш қувватига эга “Янги ҳаёт” газ тақсимлаш станцияси цемент корхонасининг биринчи босқичини табиий газ билан таъминлашга имкон беради.
"Трансгазинжиниринг" МЧЖ томонидан лойиҳалаштирилган ГТСнинг технологик қисмлари жамланиб, “Турбодетал” унитар корхонасида тайёр ҳолга олиб келинди ва майдончада монтаж ишлари бажарилмоқда.
Айни кунгача 500 метр масофадан газ тармоғи тортилиб монтаж қилинди ва синов ишлари амалга ошириляпти. Станция тез орада фойдаланишга топширилиши кутилмоқда.
“Ўзтрансгаз” АЖ Матбуот хизмати
1326
