Июнь ойи бошида Ўзбекистон Республикаси Энергетика вазири Aлишер Султонов Шўртан нефт ва газ қазиб чиқариш бошқармасига ташриф буюрди.
Ташриф давомида Шўртан нефт ва газ қазиб олиш бошқармасининг жорий фаолияти кўрсаткичлари, ишлаб чиқариш жараёнларининг ҳолати ва ходимларнинг бугунги санитария-гигиена талабларига мувофиқ иш шароитлари ташкил этилиши ўрганилди.
Энергетика вазири пропан-бутан аралашмаси (УППБС) ишлаб чиқариш ускунасини модернизация қилиш бўйича инвестиция лойиҳасининг боришини батафсил ўрганиб чиқиб, уни амалга оширишни жадаллаштириш бўйича тегишли кўрсатмалар берди.
Пропан-бутан аралашмаси (УППБС) ишлаб чиқариш ускунаси Шўртан газ-конденсат конларида чуқурлаштирилган газни қайта ишлашга мўлжалланган. Қайта ишлашнинг мақсади ёнилғи сифатида фойдаланиш учун табиий газдан пропан-бутан аралашмасини олишдир.
Шунингдек, Шўртан нефт ва газ қазиб олиш бошқармасида олиб борилаётган бошқа қурилиш-монтаж ишларининг ҳолати, ишлаб чиқариш ва диспетчерлик хизматида жорий этилаётган жараёнларнинг янгилиги таҳлил қилинди. Яқинда ташкил этилган Шўртан нефт ва газ тарихи музейи ўрганилиб, унинг фаолияти ижобий баҳоланди.
Ишчи ташрифи давомида Энергетика вазири суюлтирилган табиий газни мунтазам етказиб берилишини таъминлаш ва ёқилғи-энергетика тармоғини янада ривожлантиришга қаратилган лойиҳаларнинг бажарилишини ижобий баҳолади. Мутахассисларга амалга оширилаётган лойиҳаларни жадаллаштириш бўйича зарур кўрсатмалар берди.
Маълумот учун: “Ўзбекнефтегаз” AЖ таркибий бўлинмаси бўлган Шўртан нефт ва газни қазиб олиш бошқармаси 1980 йилда ташкил топган бўлиб, у газ қазиб олиш, газ ва газ конденсати конларини ишлаб чиқиш, табиий газ ва газ конденсатини тайёрлаш ва қайта ишлаш билан шуғулланади.
Мустақиллик йилларида Шўртан нефтни қайта ишлаш заводини бошқаришда табиий газни тайёрлаш ва қайта ишлаш бўйича юқори технологияли заводларни, шу жумладан пропан-бутан аралашмасини ишлаб чиқаришнинг бешта босқичини жорий этиш бўйича катта ишлар амалга оширилди.
Шўртан нефт ва газ қазиб олиш бошқармаси давлат аҳамиятига эга корхоналардан бири, ишлаб чиқариш саноат гиганти бўлиб, 1219 гектар майдонни эгаллайди. Компания маҳсулотларига қуйидагилар киради: табиий газ (26,9%), газ конденсати (27,7%), суюлтирилган газ (30,1%), олтингугурт (1,54%).
Энергетика вазирлиги Матбуот хизмати
1844
