Ўзбекистон Республикаси Энергетика вазирлиги ҳузуридаги Электр энергетикада назорат инспекцияси - Ўзэнергоинспекциянинг 2020 йил бошидан ҳозирги кунга қадар амалга оширган чора-тадбирлари натижасида 244,2 млн. кВт.с электр энергияси тежалди.
“Ўзэнергоинспекция” зиммасига электр ва иссиқлик энергиясини ишлаб чиқариш, узатиш, тақсимлаш ва истеъмол қилиш, кўмирдан фойдаланиш соҳасида норматив-ҳуқуқий ҳужжатларига юридик ва жисмоний шахслар томонидан (аҳолидан ташқари) риоя этилиши устидан давлат назоратини амалга ошириш вазифаси юклатилган.
Йил бошидан буён умумий ҳажмда бир йилда 2 минг тоннадан зиёд шартли ёқилғи сарфлайдиган 13 та корхонада энергетика текширувлари ўтказилди.
Бундан ташқари, жорий йил бошидан “Ўзэнергоинспеция”нинг Мажбурий ижро бюроси билан ўтказган қўшма рейдлари давомида 212 та истеъмолчилар томонидан йўл қўйилган қоидабузилиш ҳолатлари аниқланди. Натижада 34,5 млрд. сўм маблағ қайта ҳисоб-китоб қилинди.
Бажарилган ушбу ишлар – хўжалик юритувчи субъектлар фаолиятини электр энергетика соҳасидаги бугунги кундаги ҳуқуқий базасига мувофиқлигини таҳлил қилиш, мажуд қоидабузилишларини аниқлаш ва ноқонуний равишда сарфланаётган энергия манбаларини давлатга ҳамда истеъмолчиларга қайтариш имконини берди.
“Ўзэнергоинспекция”нинг устувор вазифаларидан яна бири – энергетика соҳасидаги норматив-ҳуқуқий ҳужжатларни ишлаб чиқиш ва таҳлил қилишдан иборат. Мазкур иш ҳозирги вақтда электр энергетика соҳасини кенг кўламда ислоҳ қилиш жараёни сабабли долзарб бўлиб ҳисобланади.
Шунга кўра, 2020 йилнинг бошидан бери, амалдаги норматив-ҳуқуқий ҳужжатларга тегишли ўзгартиришлар киритиш, уларни қайта кўриб чиқиш ва ўз кучини йўқотган деб тан олиш борасида 38 та норматив-ҳуқуқий ҳужжат кўриб чиқилди. Хусусан, Ўзбекистон Республикасининг 2 та Қонунига, Вазирларр Маҳкамасининг 13 та қарорига ўзгартиришлар ва қўшимчалар киритиш бўйича таклифлар тайёрланди.
“Ўзэнергоиспекция” функцияларига шунингдек, янги ва реконструкция қилинган электр қурилмаларини текширувдан ўтказиш ва уларни эксплуатацияга топшириш ҳақида хулоса бериш вазифаси киради. Мазкур ишлар электр энергетикаси соҳасида хавфсизликни таъминлашга йўналтирилган. шу жумладан янги объектларни топшириш борасида. Бу борада “Ўзэнергоинспеция” томонидан жорий йилда ишга туширишили керак бўлган 2 минг 875 та объектнинг электр таъминоти бўйича лойиҳалари кўриб чиқилди. Умуман олганда, республика бўйича электр хўжалигининг умумий қуввати 378 МВт.дан ортиқ бўлган объектлари, шу жумладан йирик саноат объектлари – 1 минг 987 истеъмолчилар бўйича текширувлар ўтказилди ва хулосалар берилди.
Энергетика вазирлиги Матбуот хизмати
“Ўзэнергоинспекция” Матбуот хизмати билан ҳамкорликда
1164
