Иқтисодиёт тармоқлари ва ижтимоий соҳанинг энергия самарадорлигини ошириш, энергия тежовчи технологиялар ва қайта тикланувчи энергия манбаларини кенг жорий этиш давлат сиёсатининг ҳозирги босқичдаги долзарб йўналишларидан бири бўлиб қолиши лозим”, - дейилади Ўзбекистон Республикаси Президентининг “Иқтисодиёт тармоқлари ва ижтимоий соҳанинг энергия самарадорлигини ошириш, энергия тежовчи технологиялар ва қайта тикланувчи энергия манбаларини ривожлантиришнинг тезкор чора тадбирлари тўғрисида”ги Қарорида.
Энергиянинг тикланадиган манбаларидан фойдаланишнинг истиқболли йўналишларини белгилаш, республикада муқобил энергетикани жорий этилишини ва уларни кенг тарғибот ишларини ташкил этишда “Ўзэнергоинспекция” фаол иштирок этиб келмоқда. Бунда хорижий мамлакатлар тажрибасини ўрганиб, ижобий натижаларни ҳисобга олган ҳолда энергия самарадорлигини оширишга алоҳида эътибор бериб келинмоқда.
Сирдарё вилояти Боёвут тумани “Дўстлик” маҳалласида жойлашган “Санжар Жўраев” фермер хўжалигининг умумий ер майдони 100 гектар бўлиб, шундан 19,5 гектари пахта майдони, 70,5 гектари ғалла майдони, 10 гектари эса боғдорчилик майдонларидан иборат. Фермер хўжалик томонидан ишчи ходимларга етарли шарт-шароитлар яратиш, қишлоқ хўжалик техникаларини сақлаш учун 20 сотихдан иборат майдонга дала шийпони қурилган эди.
- Шийпонга “свет” тушириш ҳаражатлари ҳисоб-китобларига кўра, тахминан 24,5 миллион сўм маблағ сарфлашимиз керак эди, - дейди тадбиркор Санжар Жўраев. - “Ўзэнергоинспекция”нинг Сирдарё ҳудудий бўлими ходимлари тавсиялари билан қуввати 1,5 кВт ли қуёш панелларини ўрнатиш анчагина самара беришини, сарфларим сал кам беш баробарга камайиши маълум бўлди.
Фермер хўжалик маблағлари ҳисобидан жами 3,8 миллион сўм маблағ эвазига ўрнатилган қуёш батареяси панеллари ёрдамида бугунги кунда дала шийпонида узлуксиз электр энергияси мавжуд бўлиб, ишчи ва ходимлар ундан беминнат фойдаланилмоқда.
Маълумот учун, агар мазкур дала шийпонини электр энергияси билан таъминлаш учун электр ускуналардан фойдаланганда, яъни ўртача қуввати 25 кВа трансформатор пункти 15 миллион сўм, 0,1 км 10 кВ ҳаво электр тармоғи 1,8 миллион сўм, 3 дона 10 кВ темир бетон устунлар 3 миллион сўм, 1 дона 10 кВ ажратгич (РЛНД) 1,5 миллион сўм, электр таъминоти ишчи лойиҳаларини ишлаб чиқиш 1 миллион сўм, қурувчи иш ҳақи 1 миллион сўм, изолятор 1,2 миллион сўм, жами 24,5 миллион сўм атрофида бўлган ҳаражатлар ҳамда электр энергиясига бўлган тўловлар фермер хўжалиги иқтисодига ўз таъсирини кўрсатмай қолмас эди.
Қуёш энергиясидан фойдаланиш билан тадбиркор ўз маблағларидан ўртача 20,7 миллион сўм тежашга ва текин электр энергиясидан фойдаланишга эришди.
1070
