- “Газли-Нукус” магистрал газ қувурининг 40 км.даги юқори кучланишли ҳаво электр тармоғида носозлик туфайли рўй берган узилиш бартараф қилинди, трансформаторлар тозаланиб янги мой қуйилди;
- Заунғур Магистрал газ қувурлари бошқармаси ёритиш тизими алмаштирилди, Қўнғирот МГҚБ “Бухоро-Урал” МГҚнинг 21 км. қисмида насос станциясини электр билан таъминлаш учун юқори кучланишли электр тармоғи монтаж қилинди.
“Ўзтрансгаз” АЖ ижроия аппаратига унинг таркибий тузилмаларидаги электр кимёвий ҳимоя хизматлари томонидан ҳар куни шу мазмундаги ҳисоботлар келиб туради. Мақола учун анча қисқартириб олинган бу каби маълумотлар бир қарашда расмиятчилик бўлиб кўринса-да, аслида тармоқнинг барқарор ишлаши ва магистрал газ қувурларини ташқи таъсирдан ҳимоя қилиш мақсадида кўрилаётган зарур тадбирлар сифатида аҳамиятли.
Сўнгги кунларда шунингдек, “САЦ” МГҚнинг 34-71 км.даги катодли ҳимоя қурилмаси (КХҚ) жорий таъмирланган, Хўжейли саноат майдончасида трансформатор, Қўнғирот техник сув таъминоти бошқармасида электро двигател таъмирланди.
Муборак МГҚБ компрессор станциясида электр кабель ётқизилган, “Урганч” ГТСда кабель ётқизиш учун траншея қазилгани каби маълумотлар ҳам электр кимёвий ҳимоя йўналишида бажарилаётган ишларга мисоллардир.
“Хўжейли“ ГТСда “БГР-ТБА” тармоғида шурф ишлари бажарилган, “Ч-Чарджоу” электр таъминоти фидери “Ғалаба” подстанциясига уланган, Самарқанд МГҚБда “Шўртан-Сирдарё” МГҚда 42 км. масофада жойлашган катодли ҳимоя станцияларининг тўсиқлари бўялди, 201 км.даги юқори кучланишли электр ҳаво тармоғида 2 та изолятор алмаштирилди. Зирабулоқ компрессор станциясида эса КХСларнинг анод қисми таъмирлангани ҳам бугунги кундаги долзарб тадбирлардан ҳисобланади.
“Муборак-Янгиер” МГҚнинг 306 км.даги КХС ва трансформатор алмаштирилди, “БГР ТБА-А” МГҚнинг 9 км. қисмидаги КХҚларда профилактик таъмир ишлари амалга оширилган. Тошкент ва Фарғона МГҚБларида олиб борилаётган ишлар жараёни ҳам қизғин кетмоқда.
Бошқармаларнинг бирида ЭКХ хизмати устахонаси демонтаж қилингани, “Риштон шаҳар айланаси” тармоғининг 4 км. қисмида КХСларнинг электр таъминоти тармоғи таъмирланиб ишга туширилгани ва субабонентлар электр ҳисоблагичлари алмаштирилгани келгусида уларнинг соз ҳолда ишлашига муҳим омил бўлади. Ходимларнинг электр хавфсизлиги бўйича билимлари синовдан ўтказилгани ҳам айни муддао бўлди. Хўжаобод газни ер остида сақлаш иншоотида 8,9,11-сонли КХҚ кабеллари маҳкамланган.
Яна рўйхатини узоқ давом эттириш мумкин бўлган бу тадбирлар магистрал газ қувурлари тармоғининг самарали ишлаши учун кечиктириб бўлмас ишлардир. Қишга пухта тайёргарлик кўриш мақсадида қилинган бу тадбирлар эса фурсати келганида натижа бериши шубҳасиз.
“Ўзтрансгаз” АЖ Матбуот хизмати
1169
