“Иссиқлик электр станциялари” акциядорлик жамияти тизимидаги корхоналарнинг объектларидан оқилона фойдаланиш, уларни сақлаш харажатларини оптималлаштириш ва молиявий барқарорлигини таъминлаш мўлжалланмоқда.
Вазирлар Маҳкамасининг “Иссиқлик электр станциялари” АЖ корхоналарининг фойдаланилмаётган объектларини консервация қилиш тўғрисида”ги қарори лойиҳаси эълон қилинди.
Ўзбекистон Республикаси Энергетика вазирлиги, Иқтисодий тараққиёт ва камбағалликни қисқартириш вазирлиги, Молия вазирлиги, Давлат солиқ қўмитаси, Давлат активларини бошқариш агентлиги ҳамда “Иссиқлик электр станциялари” АЖнинг “Тахиатош ИЭС” АЖ, “Талимаржон ИЭС” АЖ ва “Сирдарё ИЭС” АЖнинг фойдаланилмаётган объектларини ўрнатилган тартибда 24 ой муддатга консервация қилиш тўғрисидаги таклифлари маъқулланади.
“Тахиатош ИЭС” АЖ, “Талимаржон ИЭС” АЖ ва “Сирдарё ИЭС” АЖнинг ўрнатилган тартибда 24 ой муддатга консервация қилинадиган фойдаланилмаётган объектлари
РЎЙХАТИ
“Тахиатош ИЭС” АЖ, “Талимаржон ИЭС” АЖ, “Сирдарё ИЭС” АЖнинг вақтинча фойдаланилмаётган объектларини консервация қилиш ва сақлаш харажатлари Ўзбекистон Республикаси Вазирлар Маҳкамасининг 2003 йил 16 сентябрдаги 401-сон қарори билан тасдиқланган Фойдаланилмаётган асосий воситаларни, қурилиши тугалланмаган объектларни консервация қилиш тартиби тўғрисида низомга мувофиқ тегишли ташкилотларнинг ўз маблағлари ҳисобидан амалга оширилиши маълумот учун қабул қилинади.
Белгиланишича:
консервация қилинган объектларни муҳофаза қилиш чоралари “Сирдарё ИЭС” АЖ, “Талимаржон ИЭС” АЖ ва “Тахиатош ИЭС” АЖнинг ўз маблағлари ҳисобидан амалга оширилади;
объектларни консервация қилиш электр энергиясини ишлаб чиқариш ҳажмининг пасайишига олиб келмайди.
Ўзбекистон Республикаси Энергетика вазирлиги, “Иссиқлик электр станциялари” АЖ билан биргаликда 2022 йил 1 январга қадар консервация қилинган объектлардан самарали фойдаланиш юзасидан таклифларни Вазирлар Маҳкамасига киритади.
Ўзбекистон Республикаси
Энергетика вазирлиги Матбуот хизмати
2211
