Бугунги кунда “Ўзнефтгазинспекция” Қашқадарё ҳудудий бўлими ҳамда “Ҳудудгаз Қашқадарё” газ таъминоти филиали мутахассис ходимлари ҳамкорлигида табиий газдан ноқонуний фойдаланаётган истеъмолчиларни аниқлаш мақсадида, тезкор тадбирлар ўтказиб келинмоқда.
Ўтган 7 ой давомида, 113 та ҳолат аниқланиб, унга кўра, 2 млн 554 минг 200 м3 табиий газ маҳсулоти талон-тарож қилинган. Оқибатда, давлат бюджетига 2 млрд 366 минг сўмлик зарар етказилган.
Аниқланган 113 та ҳолат таҳлил қилинганда, ноқонуний уланшиларнинг 66 таси Қарши шаҳри, 19 таси Шаҳрисабз шаҳри, 5 таси Ғузор тумани, 7 таси Қарши тумани, 5 таси Муборак тумани, 2 таси Яккабоғ тумани, 4 таси эса Чироқчи туманлари ҳиссасига тўғри келмоқда.
Айни кунда улгуржи истеъмолчиларга нисбатан тегишли чоралар кўрилиб, келтирилган зарарни ундириш юзасидан иш ҳужжатлари ҳуқуқни муҳофаза қилиш органларига топширилган.
“Ҳудудгаз Қашқадарё” газ таъминоти филиали
1135
