Ўзбекистон Республикаси Президентининг 2020 йил 9 январдаги ПҚ-4563-сонли “Ўзбекистон Республикасининг 2020-2022 йилларда инвестиция дастурини амалга ошириш чора-тадбирлари тўғрисида”ги Қарори, шунингдек, 2019-2030 йилларга мўлжалланган электр энергетикасида йирик инвестиция лойиҳаларини амалга ошириш дастури асосида Япония халқаро ҳамкорлик агентлиги маблағлари иштирокида “Навоий ИЭС” АЖда қуввати 650 МВт бўлган 3-буғ-газ қурилмасини қуриш” инвестицион лойиҳаси амалга оширилади. Инвестиция лойиҳаси 2020-2024 йиллар давомида ҳаётга жорий этилади.
2020 йил 9 сентябрда Ўзбекистон Республикаси Вазирлар Маҳкамасининг 549-сонли “Навоий иссиқлик электр станциясида 650 МВт қувватли учинчи буғ-газ қурилмасини қуриш” инвестиция лойиҳасини амалга ошириш бўйича биринчи навбатдаги чора-тадбирлар тўғрисида"ги қарори қабул қилинди, унга кўра инвестицион лойиҳа доирасида қуйидаги вазифалар кўзда тутилган:
- Минтақада янги ташкил этилган ишлаб чиқариш қувватларининг кафолатли электр таъминоти;
- Электр энергиясини ишлаб чиқариш соҳасида замонавий ва самарали технологияларни босқичма-босқич жорий этиш;
- Электр энергиясини ишлаб чиқариш тан нархини пасайтириш, шартли ёқилғи сарфини камайтириш, табиий газдан самарали фойдаланиш;
- Минтақадаги истеъмолчиларни электр ва иссиқлик энергияси билан таъминлаш;
- Станциянинг иш фаолияти самарадорлигини ошириш.
- Янги учинчи буғ-газ қурилмаси қурилиши натижасида станциянинг ишлаб чиқариш қувватлари ошади, шартли ёқилғи сарфи камайиб, ўртача 1 кВт/соат электр энергиясини ишлаб чиқариш учун 200-300 грамни ташкил этиши кўзда тутилган. Натижада воҳа аҳолиси, иқтисодиёт тармоқлари корхоналарига етказиб бериладиган электр ва иссиқлик энергиясининг ҳажми ошиб йилига 550-600 миллион кубометр табиий газ иқтисод қилинади. Малакали мутахассислар учун қўшимча иш ўринлари яратилади.
“Иссиқлик электр станциялари” АЖ матбуот хизмати
1913
