Бугун, 15 сентябрь куни Энергетика вазирлиги махсус штаби Қорақалпоғистон Республикаси истеъмолчиларини 2020/2021 йиллар куз-қиш мавсумида энергия ресурслари билан таъминлаш борасидаги ишлар билан яқиндан таниниш мақсадида Қорақалпоғистон республикасининг Нукус ва Амударё кўмир омборларига борди.
Махсус штаб томонидан омборхоналар ҳолати ўрганилгач, мавжуд камчиликлар юзасидан тегишли кўрсатма ва тавсиялар берилди.
Маълумот учун, Қорақалпоғистон республикаси истеъмолчиларига 2020/2021 йиллар куз-қиш мавсумида жами 65,5 минг тонна кўмир маҳсулотлари етказиб берилади. Бу ўтган мавсумга нисбатан 26,2 минг тоннага ёки 67 фоизга кўпни ташкил қилади.
Шундан, аҳоли истеъмолчиларига 56 минг тонна ва ижтимоий соҳа объектларига 9,5 минг тонна кўмир ва брикет маҳсулотлари етказиб берилади.
Қорақалпоғистон республикаси истеъмолчиларига барқарор ва сифатли кўмир маҳсулотларини етказиб бериш учун 6 та кўмир омбори, 6 та автоюклагич, 7 та юк автотранспорти ва 6 та автотарозидан фойдаланилади.
Ўзбекистон Республикаси
Энергетика вазирлиги Матбуот хизмати
1041
