Жорий йилнинг 15 сентябрь куни Ўзбекистон Республикаси Энергетика вазирлиги махсус штаби томонидан Қорақалпоғистон Республикаси Тахиатош туманида аҳоли хоноданлари ва улгуржи истеъмолчиларнинг табиий газдан фойдаланиш ҳолатлари ўрганилганда бир қатор камчиликларга йўл қўйилганлиги аниқланди.
Хусусан, Тахиатош тумани Мустақиллик кўчасидаги истеъмолчиларнинг ва “Сapital Partners” МЧЖга қаршли газоблок ишлаб чиқариш цехининг табиий газдан фойдаланиш ҳолати ўрганилганда, истеъмолчиларга етказиб берилаётган D-76 мм лик газ тармоғининг 100 – 110 метр жойи таянчлардан тушиб ерда ётганлиги ҳамда газ тармоқларига бўёқ ишлари олиб борилмаганлиги аниқланди.
Мазкур аниқланган камчиликларни жойида бартароф этиш ва келгусида бундай ҳолатларнинг такрорланмаслиги учун ишчи гуруҳ томонидан туман газ таъминоти бўлими маъсул ходимларига тегишли кўрсатма ва топшириқлар берилди.
Шундан сўнг, туман газ таъминоти бўлими томонидан Мустақиллик кўчасида жойлашган аҳоли хоноданларига етказиб берилаётган газ тармоқлари қайта демонтаж қилиниб, газ тармоқлари остига таянчлар ўрнатилди ва ушбу газ тармоқларига бўёқ ишлари олиб борилиб камчиликлар жойида бартараф этилди.
Ўзбекистон Республикаси
Энергетика вазирлиги Матбуот хизмати
864
