“Masdar Energy” компанияси (БАА) Навоий вилоятининг Томди туманида шамол салоҳиятини ўрганиш учун тўртта метереологик устун (метео-мачта) ўрнатди. Бу Навоий вилоятида 500 МВт қувватга эга шамол электр станциясини (ШЭС) қуриш лойиҳасини амалга оширишнинг навбатдаги босқичи ҳисобланади.
Келгусида мазкур шамол электр станциясининг қурилиш майдонидаги шамол потенциалини ўрганиш натижалари лойиҳанинг техник-иқтисодий ва молиявий асосланишини якунлаш имконини беради, бу эса халқаро молия институтлари билан кредит шартномаларини тузиш учун асос бўлиб хизмат қилади.
Аввал хабар қилинганидек, 2020 йил 8 июнь куни “Ўзбекистон миллий электр тармоқлари” АЖ ва “Masdar Energy” компаниялари ўртасида электр энергиясини сотиб олиш тўғрисида шартнома имзоланган эди. Ушбу шамол электр станциясини ишга тушириш 2023 йилга режалаштирилган.
Маълумот учун: Ўзбекистон Республикаси Энергетика вазирлиги Бирлашган Араб Амирликларининг ушбу компанияси билан қайта тикланадиган энергетика соҳасидаги ягона қўшма лойиҳаси эмаслигини қўшимча қиламиз. Масдар шунингдек, Навоий вилоятида 100 МВт қувватга эга фотоэлектр (қуёш) станциясини қуриш бўйича халқаро танловнинг биринчи босқичи ғолиби ҳисобланади.
Компаниянинг ғалабаси ишлаб чиқарилган электр энергиясининг 1 кВт. соатига 2,679 АҚШ центи тарифини ва ФЭС қурилишининг 12 ойлик муддатини таклиф қилган. БАА мутахассисларининг фикрига кўра, қуёш электр станцияси йилига 260 миллион кВт. соат электр энергияси ишлаб чиқаради.
Ўзбекистон Республикаси
Энергетика вазирлиги Матбуот хизмати
1745
