Энергетика вазирлиги штаби Қашқадарё вилояти истеъмолчиларини 2020/2021 йиллар куз-қиш мавсумида кўмир ва брикет маҳсулотлари билан таъминлаш борасида амалга оширилаётган ишлар билан танишиш мақсадида ушбу вилоятда бўлди.
Штаб Қарши шаҳар, Нишон, Ғузор, Қамаши, Яккабоғ, Шаҳрисабз шаҳри ва Муборак туманларидаги кўмир сақлаш омборларида олиб борилаётган ишлар билан танишди.
Қашқадарё вилояти истеъмолчиларига куз-қиш мавсумида жами 58,5 минг тонна кўмир ва брикет маҳсулотлари етказиб берилади. Бу ўтган мавсумга нисбатан 11 фоизга кўпни ташкил қилади. Шундан, аҳоли истеъмолчиларига 25 минг тонна ва ижтимоий соҳа объектларига 33,5 минг тонна кўмир ва брикет маҳсулотлари етказиб берилади.
Вилоят истеъмолчиларига барқарор ва сифатли кўмир маҳсулотлари етказиб бериш учун 7 та омбор, 7 та автоюклагич ва 6 та автотарозидан фойдаланилади.
Энергетика вазирлиги Матбуот хизмати
680
