Энергетика вазирлиги Штаби Навоий вилояти истеъмолчиларини куз-қиш мавсумида табиий ва суюлтирилган газ билан таъминлаш борасида амалга оширилаётган ишлар билан танишиш мақсадида ушбу вилоят бўлди.
Штаб дастлаб “Ҳудудгаз Навоий” филиалида ишчи йиғилиш ўтказди. Шундан сўнг, Кармана туманидаги “Зарафшон Голден Гроуп” МЧЖга тегишли иссиқхона, Қизилтепа туман А.Навоий маҳаласидаги юқори босимли газ тақсимлаш подстанциясига, Хатирчи туман газ тўлдириш пункти, Нурота туманидаги “Темирқовуқ” газ тўлдириш пункти, Зарафшон туман “Томди Ақтақир” газ тўлдириш пунктларида амалга оширилаётган куз-қиш мавсумига тайёргарлик ишларини ўрганди.
“Ҳудудгаз Навоий” газ таъминоти филиалига қарашли “Навбаҳор” газ тўлдириш шахобчасида куз-қиш мавсумига тайёргарлик доирасидаги амалий ишлар кўздан кечирилди.
Айтиш керак, ойлик қуввати 665.6 тонна бўлган мазкур газ тўлдириш шахобчаси орқали вилоятнинг Кармана, Навбаҳор, Конимех ва Қизилтепа туманлари аҳолисига бир ойда жами 520 тонна суюлтирилган газ тарқатилади. ГТПнинг кунлик газ тарқатиш қуввати эса 27.7 тоннадан иборат. Объектда ишлаб чиқариш заводларидан келтирилган суюқ газни ўлчаб олишга мослашган автотарози ҳамда истеъмолчиларга тарқатиладиган маиший газ баллонлар ҳажмини аниқлаш учун назорат тарозилари мавжуд. Айни вақтда ГТПда 11 нафар ходим хизмат қилади.
Мазкур шахобчада олиб борилаётган ишлар сифати, хавфсизлиги, шунингдек ходимларнинг меҳнатини муҳофаза қилиш борасидаги тадбирлар, улар учун яратилган шароитлар, мавжуд транспорт воситаларининг техник созлигига алоҳида эътибор қаратилди.
Вилоятда газ таъминоти тизимида куз-қиш мавсумига тайёргарлик бўйича ишлар якунига етмоқда.
– Вилоятимизда маиший газ баллон етказиб бериладиган хонадонларнинг 90 088 нафарига газ баллон орқали, 7 030 нафарига газ қувирлари орқали суюлтирилган газ етказиб берилади. Навбаҳор туманида жойлашган Навбаҳор-Янгийўл газ тарқатиш шахобчамиз Кармана, Қизилтепа ва Навбаҳор туманларидаги 36 минг 651 нафар истеъмолчиларга хизмат кўрсатади, - дейди “Ҳудудгаз Навоий” газ таъминоти филиалининг Суюлтирилган газ таъминоти бўйича муҳандис Улуғбек Нуримов. – Шунингдек, истеъмолчилар мужаатлари билан тез ва қулай ишлаш мақсадида Марказий диспетчерлик хизматининг 104 қисқа рақами 24 соат ишлаб турибди. Истеъмолчиларга суюлтирилган газ етказиб бериш муддати 35-35 кунга тўғри келмоқда.
Маълумот учун, Навоий вилояти истеъмолчиларига куз-қиш мавсумида жами 2 911,5 миллион куб метр табиий газ етказиб берилади. Бу ўтган мавсумга нисбатан 6 фоизга кўпни ташкил қилади.
Вилоятда табиий газ истеъмолчилари сони 155 858 та бўлиб, шундан 2 938 та юридик ва 152 920 та жисмоний (аҳоли) истеъмолчилар ҳисобланади.
Истеъмолчиларни табиий газ билан таъминлаш учун 3 967,4 километр газ қувурлари ва 3 349 та газ тақсимлаш пунктларидан фойдаланилади.
Айни кунга қадар вилоятда 0,4 километр газ қувурлари мукаммал таъмирланди, 3,0 километр газ қувурлари реконструкция қилинди ва 3 253 та газ тақсимлаш пунктлари техник тафтишдан ўтказилди.
Шу йилнинг 1 октябридан бошлаб 9 та махсус техника ва 36 нафар ходимлардан иборат 9 та бригада фаолият юритади.
Шунингдек, вилояти истеъмолчиларига куз-қиш мавсумида жами 10 603 тонна суюлтирилган газ етказиб берилади. Бу ўтган мавсумга нисбатан 56,4 фоизга кўпни ташкил қилади.
Вилоятда 97201 та суюлтирилган газ истеъмолчилари мавжуд бўлиб, уларга сифатли хизмат кўрсатиш учун 6 та автоцистерна ва 25 та ISUZU автомашинасидан фойдаланилади.
Энергетика вазирлиги Матбуот хизмати
1269
