Энергетика вазирлиги Штаби Навоий вилояти истеъмолчиларини 2020-2021 йиллар куз-қиш мавсумида кўмир ва брикет маҳсулотлари билан таъминлаш борасида амалга оширилаётган ишлар билан танишиш мақсадида ушбу вилоятда бўлди.
Ишчи гуруҳ Кармана, Қизилтепа, Хатирчи, Нурота туманлари ва Зарафшон шаҳридаги кўмир сақлаш омборларида олиб борилаётган ишлар билан танишди.
Навоий вилояти истеъмолчиларига куз-қиш мавсумида жами 32, 4 минг тонна кўмир ва брикет маҳсулотлари етказиб берилади. Бу ўтган йилга нисбатан 24 фоизга кўпни ташкил қилади. Шундан аҳоли истеъмолчиларига 16 минг ва ижтимоий соҳа объектларига 16,4 минг тонна кўмир ва брикет маҳсулотлари етказиб берилади.
Вилоят истеъмолчиларига кўмир маҳсулотларини етказиб бериш учун 5 та омбор, 5 та автоюклагич, 1 та юк автотранспорти ва 5 та автотарозидан фойдаланилади.
Энергетика вазирлиги Матбуот хизмати
702
