Энергетика вазирлиги Штаби Бухоро вилояти истеъмолчиларини куз-қиш мавсумида кўмир ва брикет маҳсулотлари билан таъминлаш борасида амалга оширилаётган тайёргарлик ишлари билан танишди.
Айни кунга қадар “Кўмиртаъминот” масулияти чекланган жамиятининг Когон омборхонаси томонидан кўмир маҳсулотлари ижтимоий соҳа объектларига тўлиқ етказиб берилиб, бу йилги белгиланган вазифалар тўлалигича бажарилишига эришилган.
Шунингдек, махсус Штаб Бухоро вилояти истеъмолчиларини кўмир маҳсулотлари билан таъминлаш борасида олиб борилаётган ишларни ўрганиш натижаларига кўра, масъулларга тегишли кўрсатма ва топшириқларни белгилаб берди. Хусусан, йил якунига қадар “Ўзбекистон темир йўллари” АЖ билан биргаликда Олот кўмир омборига темир йўлни олиб кириш ишларини якунлаш, бир ҳафта муддатда Қоракўл туман кўмир омборини электр тармоғига улаш учун зарур маблағларни ажратиш, Вобкент кўмир омборига 1 та 20 тоннали МАН юк автомашинасини харид қилиш, шунингдек йил якунига қадар Қоракўл, Олот ва Жондор кўмир омборларида ишчилар учун ювиниш хоналарини ташкил этиш топшириқлари белгилаб берилди.
Маълумот учун: вилоят истеъмолчиларига куз-қиш мавсумида жами 40,2 тонна кўмир ва брикет маҳсулотлари етказиб берилади. Шундан аҳоли истеъмолчиларига 30 минг тонна ва ижтимоий соҳа объектларига 10,2 тонна кўмир ва брикет маҳсулотлари етказиб берилади.
Вилоят истеъмолчиларига кўмир маҳсулотларини етказиб бериш учун 5 та омбор, 6 та автоюклагич, 2 та юк автотранспорти ва 5 та автотарозидан фойдаланилади.
Энергетика вазирлиги Матбуот хизмати
711
