Кеча, 28 сентябрь куни Энергетика вазирлиги Штаби Жиззах вилояти истеъмолчиларини 2020/2021 йиллар куз-қиш мавсумида электр энергияси билан таъминлаш борасида амалга оширилаётган ишлар билан танишди.
Ишчи гуруҳ дастлаб Ғаллаорол туман электр таъминоти корхонасининг янги биносида бўлиб, у ерда ходимлар ва истеъмолчиларга яратилган шарт-шароитлар билан танишди.
Шунингдек, ўрганиш давомида аниқланган камчиликлар юзасидан тегишли кўрсатма ва топшириқлар берилди. Хусусан, узунлиги 29,1 километр электр узатиш тармоқлари ва 5 та трансформатор пунктлари (ТП)ни мукаммал таъмирлаш ҳамда 44,1 километр тармоқлар ва 6 та ТПни жорий таъмирлаш ишларини сифатли якунлаш юзасидан кўрсатма ва топшириқлар белгилаб берилди.
Шу билан бирга Арнасой туманида 2 та, Зарбдор туманида 5 та, Бахмал туманида 6 та, Шароф Рашидов туманида 5 та, Зомин туманида 4 та, Фориш туманида 5 та, Янгиобод туманида 4 та, Зафаробод туманида 3 та ва Пахтакор туманида 2 та ТПдаги техник камчиликларнинг бартараф этилишини таъминлаш юзасидан тегишли баённома тузилди.
Доимий равишда вилоят ҳокимлиги билан “DATA” марказида электр энергиясидан ноқонуний фойдаланиш ҳолатларини ўрганиб, ҳар бир маҳаллада янги тизим бўйича кенг қамровли тушунтириш ишларини ташкил қилиш, вилоятда АСКУЭ тизимини тўлиқ татбиқ этиш мақсадида 2020 йил якунигача истеъмолчиларга ўрнатилган 38 232 та электр ҳисоблаш ускуналарини “Биллинг” тизимига уланишини таъминлаш юзасидан тегишли кўрсатмалар белгилаб берилди.
Маълумот учун, вилоят истеъмолчиларига куз-қиш мавсумида жами 999,5 миллион кВт. соат электр энергияси етказиб берилади. Вилоятда истеъмолчилар сони 263 756 та бўлиб, шундан 12 243 та юридик 251 513 та жисмоний истеъмолчилар (аҳоли) мавжуд.
Истеъмолчиларни электр энергияси билан таъминлаш учун 12,1 минг километр электр узатиш тармоқлари ва 3 674 та ТПдан фойдаланилади.
Жорий йилнинг 1 октябрига қадар 1 233,4 километр электр узатиш тармоқлари ва 242 та ТП мукаммал таъмирланади. Бугунги кунга 19 та ТП, 2,0 тонна трансформатор мойи ва 25,9 киломтер кабель махсулотларининг авариявий заҳираси яратилган. Шунингдек, 41 та авариявий бригада ташкил этилган.
Энергетика вазирлиги Матбуот хизмати
895
