Энергетика вазирлиги Штаби Жиззах вилояти истеъмолчиларини куз-қиш мавсумида кўмир ва брикет маҳсулотлари билан таъминлаш борасида амалга оширилаётган тайёргарлик ишлари билан танишди.
Ишчи гуруҳ томонидан ўрганиш давомида масъулларга тегишли кўрсатма ва топшириқлар белгилаб берилди. Хусусан, 1 ноябрга қадар Жиззах шаҳридаги кўмир омборига темир йўл ўтказиш ишларини якунлаш, 1 ноябрга қадар ижтимоий соҳа муассасалари ҳамда тоғли, чегара ва олис ҳудудлардаги аҳолини кўмир маҳсулотлари билан тўлиқ таъминлаш, йил якунигача эса Жиззах, Ғаллаорол, Зарбдор ва Дўстлик туманларидаги кўмир омборларини жами 4 та юклагич (автопогрузчик) билан таъминлаш юзасидан баённома тузилди.
“Ўзбеккўмир” АЖ буйруғи билан, вилоят кўмир омборларидаги кўмир маҳсулотларини дробилка ёрдамида майдаланишни тўхтатиш ҳамда кўмир маҳсулотларини сортларга ажратган ҳолда фақат майда қисмидан (0-50 мм) брикет ишлаб чиқариш йўлга қўйилди.
Маълумот учун: вилоят истеъмолчиларига куз-қиш мавсумида жами 28,4 минг тонна кўмир ва брикет маҳсулотлари етказиб берилади. Шундан аҳоли истеъмолчиларига 13,0 минг тонна, ижтимоий соҳа объектларига 15 446 тонна кўмир маҳсулотлари етказиб берилади.
Вилоят истеъмолчиларига кўмир маҳсулотларини етказиб бериш учун 6 та кўмир сақлаш омборлари, 6 та автоюклагич ва 6 та автотарозидан фойдаланилади.
Энергетика вазирлиги Матбуот хизмати
753
