Маълумки, шу кунларда Энергетика вазирлигининг Махсус ишчи гуруҳи республикамизнинг турли ҳудудларида бўлиб, электр ва табиий газ таъминоти тизимларида 2020/2021 йиллар куз-қиш мавсумига тайёргарлик жараёни қандай кетаётгани билан бевосита танишмоқдалар.
Ишчи гуруҳининг Қорақолпоғистон Республикаси ҳамда Хоразм вилоятида жойлашган Магистрал газ қувурлари бошқармалари (МГҚБ) ва Саноат майдонларига қарашли Газ тақсимлаш станцияларидаги (ГТС) ҳолатлар билан танишганларидан кейинги сайёр йиғилишида берилган топшириқларининг бажарилиши бўйича тизимли ишлар йўлга қўйилди. Хусусан, Заунғур МГҚБга қарашли “Урганч-2” ва “Хива-2” Газ тақсимлаш станциялари(ГТС) намунавий станциялар кўринишига келтирилди.
Бунгунги кунда “Ударник-2” ва “Бекобод” ГТСларида наъмунавий лойиҳа асосидаги ишлар якунига етай деб қолди. Урганч МГҚБга қарашли “Полвон” ГТС наъмунавий станция кўринишига келтирилди. Айни кунларда шунингдек, “Зарбдор” ГТСда, Қўнғирот МГҚБ тасарруфидаги “Қонликўл” ва Хўжейли саноат майдончасига қарашли “Бердақ” ГТСларида ҳам наъмунавий лойиҳалар асосидаги ишлар амалга оширилмоқда.
Бу саъйи-ҳаракатлар яқинлашиб келаётган куз-қиш мавсумида газ узатиш тармоқлари ва станцияларининг тўхтовсиз ишлаши ҳамда табиий газ таъминотининг барқарорлигига хизмат қилади.
“Ўзтрансгаз” АЖ Матбуот хизмати
699
