Маълумки, “Ўзбекгидроэнерго” АЖ тасарруфидаги “Энергетиклар” сиҳатгоҳи – нафақат соҳа тизимида фаолият кўрсатаётган ишчи-ходимларнинг мароқли ҳордиқ чиқариши, ўз саломатлигини тиклаши ва назорат қилиши, балки барча фуқароларимизнинг саломатлиги йўлида ҳам хизмат қилувчи сиҳатгоҳ саналади.
Сиҳатгоҳ бир вақтнинг ўзида 120 нафар даволанувчига хизмат кўрсатиш имконига эга. Мажмуа ҳудудида оилавий дам олувчилар учун қўшимча 4 та дам олиш уйи (коттежлар) қурилган. Мазкур шифо масканида дам олувчиларга қўшимча қулайлик яратиш мақсадида маънавият-маърифат маркази, мўъжаз кутубхона, мажлислар зали, мусиқали фаввора, тренажёр зали ва очиқ сузиш ҳавзаси ташкил этилган. Турли спорт мусобақалари, маданий ҳордиқ дастурлари режа асосида ўтказилади.
Бугунги кунда “Энергетиклар” сиҳатгоҳи” томонидан COVID-19 касаллигини бошидан ўтказиб, соғайган беморларга тиббий реабилитация дастури таклиф этилмоқда. Реабилитация муолажалари Жаҳон соғлиқни сақлаш ташкилоти ҳамда Ўзбекистон Республикаси Соғлиқни сақлаш вазирлигининг тасдиқланган махсус қўлланмалари асосида олиб борилади.
Сиҳатгоҳ ошхонасида даволанувчилар учун уч маҳал иссиқ овқат, витаминларга бой маҳсулотлар истеъмол менюсига киритилган.
Сиҳатгоҳда неврология, кардиология, стоматология, урология, гастро-энтрология, физиотерапия, лор йўналишларида малакали, олий тоифадаги шифокорлар хизмат кўрсатадилар. Сиҳатгоҳда сўнгги русумдаги замонавий диагностика ускуналари ўрнатилган. Лаборатория таҳлили, УТТ (УЗИ), ЭКГ текширувлари амалга оширилади.
Мурожаат учун: +998936070929, +998999427929, +998970109806.
Ўзбекистон Республикаси Энергетика вазирилиги Матбуот хизмати
“Ўзбекгидроэнерго” АЖ Ахборот хизмати билан ҳамкорликда
1396
