Энергетика вазирлиги ҳузуридаги Электр энергетикада назорат инспекцияси “Ўзэнергоинспекция”нинг Хоразм ҳудудий бўлими томонидан Хоразм вилояти туманларидаги кўмир ва брикет ёқилғисида иситишга мослаштирилган ижтимоий соҳа объектлари ҳамда марказий кўмир тарқатиш омборхоналарининг 2020-2021 йиллар куз-қиш мавсумига тайёргарлик бўйича кўмир истеъмоли ва унинг сақланишида амалдаги қоида талаблари бажарилиши бўйича ўрганиб чиқилди.
Хоразм вилояти туманларида жами 11 та марказий кўмир омборхоналари мавжуд бўлиб, ушбу кўмир сақлаш омборларида кўмир сақланиши ҳолати ва хавфсизлик қоидалари бўйича ўрганиб чиқилиб, шундан 5 та омборхонада аниқланган камчиликларни бартараф қилиш бўйича кўрсатмалар берилди.
Хусусан, Гурлан, Қўшкўпир, Хазорасп, Хонқа ва Шовот туманларида кўмир қабул қилиш ва тарқатиш шохобчасида омборхона биносида ҳаво айланмаси тўсилмаганлиги, кўмир сақланиши учун буйруқ асосида жавобгар шахслар тайинланмаганлиги, кўмир сақлаш омбори тагига қопламалар ётқизилмаганлиги ва электр таъминоти учун ўрнатилган мавжуд трансформатор пункитлари, электр тақсимлаш шчитлари, кабель тармоқларига техник хизматлар кўрсатилмаганлик каби ҳолатлари аниқланган.
Бундан ташқари, вилоятдаги кўмир ва брикет ёқилғисида иситишга мослаштирилган 404 та ижтимоий соҳа объектлари мавжуд бўлиб, шундан 213 та ташкилот кўрикдан ўтказилиб, 109 та объектда аниқланган камчиликлар бўйича юқори ташкилотларига кўрсатма хатлар берилган.
Хусусан, ушбу объектларда кўмир ва брикет маҳсулотлари очиқ осмон остида турганлиги, брикет-кўмир тартибсиз тахланганлиги, омборга бегона ёнувчан буюмлар жойлаштирилганлиги, кўмир сақланиши учун масъул ходимлар тайинланмаганлиги ҳамда куз-қиш мавсуми олдидан электр таъминоти учун ўрнатилган электр қурилмалар даврий профилактик кўриклардан ўтказилмаганлиги, кабель тармоқлари механик таъсирдан ҳимояланмаганлиги, электр қурилмалар учун жавобгар шахс тайинланмаганлиги, кабель бирикмалардаги қизиш аломатлари бартараф қилинмаганги кузатилган.
Аниқланган камчиликлар бўйича инспекция ходимлари томонидан тушунтириш ишлари ўтказилиб, бажарилиши мажбурий бўлган кўрсатмалар берилиб, улар ижроси назоратга олинди.
“Ўзэнергоинспекция” Матбуот хизмати
1273
