Қашқадарё вилояти истеъмолчиларини узлуксиз ва сифатли электр энергияси билан таъминлаш ҳамда ҳодимларни иш жараёнида хавфсизлик техникаси қоидаларига қатъий амал қилиш мавзусида “Ўзэнергоинспекция” Қашқадарё ҳудудий бўлими томонидан ҳудудда энергетика тизимида фаолият олиб бораётган ходимлар иштирокида семинар-тренинг бўлиб ўтди.
“Ўзэнергоинспекция” Қашқадарё ҳудудий бўлими ва “Ўзбекистон Миллий электр тармоқлари” АЖ қарашли “Қашқадарё магистрал электр тармоқлари” филиали корхонаси ҳамда Фавқулодда вазиятлар бошқармаси ҳамкорлигида электр тармоғи хўжалиги объектларида бахтсиз ходисаларни олдини олишга қаратилган чора-тадбирлар ишлаб чиқилган бўлиб, мазкур чора-тадбирларга асосан ходимлар томонидан жойларда хавфсизлик техникаси қоидаларига риоя этилиши юзасидан доимий ўрганишлар ҳамда ўқув машғулотлари ўтказилмоқда.
“Қашқадарё магистрал электр тармоқлари” филиали тасарруфидаги Косон- 220/110/10 кВли подстанциясида ўтказилган семинар-тренингда энерготизимда содир бўлган бахтсиз ходисаларни келиб чиқиш сабаблари ва шарт-шароитлари, бахтсиз ходисаларни олдини олишга қаратилган амалий машғулот тарзида бўлиб ўтди. Шунингдек, йиғилиш иштирокчилари ушбу подстанциянинг “Тезкор диспетчирлик хизмати” фаолияти билан ҳам яқиндан танишди. Машғулот давомида соҳа ходимлари ўзларини қизиқтирган саволларга фикр-мулоҳазалар билдирилди.
Маълумот ўрнида айтиш жоизки, ҳозирги кунда Қашқадарё вилоятида 619 мингдан ортиқ аҳоли ва 45 мингдан зиёд улгуржи истеъмолчига куз-қиш мавсумида узлуксиз ва сифатли электр энергияси етказиб бериш, мавсумни беталофат ўтказиш бўйича бир қатор ишлар амалга оширилмоқда.
“Қашқадарё магистрал электр тармоқлари” филиали тасарруфида 220-500 кВли 15 та подстанциялар мавжуд. Ушбу подстанцияларда ўрнатилган 35 дона куч трансформаторларининг умумий қуввати 3664,3 МВАни ташкил этади. Шунингдек, корхона томонидан ўз тасарруфидаги 110-500 кВ кучланишли умумий узунлиги 1698.524 км (шу жумладан, 500 кВ ли-481,48 км, 220 кВ ли-1196,934 км, 110 кВли-20,11км) бўлган ҳаво линияларига хизмат кўрсатилади.
Жорий йилда Қашқадарё МЭТ тасарруфидаги 220 кВли “Муборак-1” подстанциясида реконструкция ишларини бажарилган. Мазкур подстанцияларда модернизация ишларини бажариш юзасидан лойиҳа ҳужжатлари “Ўзэнергоинжиниринг”АЖ томонидан ишлаб чиқилмоқда ҳамда жамиятнинг мутахассислари тавсияларига биноан ва улар билан келишилган ҳолда қурилиш-монтаж ишлари ҳам олиб борилмоқда. Шунингдек, қурилиш монтаж ишларини “Туронэлектромонтаж” АЖ корхонаси ва “Қашқадарё МЭТ” филиали ходимлари томонидан олиб борилмоқда.
Ўз навбатида мазкур корхона томонидан электр тармоғи хўжалиги объектларини белгиланган муддатларда сифатли ва тўлақонли таъмирланиши ва уларни белгиланган меъёрларга мувофиқлиги устидан “Ўзэнергоинспекция” Қашқадарё ҳудудий бўлими томонидан назорат ўрнатилган бўлиб, таъмирлаш ишларида аниқланган камчиликларни бартараф этилиши юзасидан энергетика корхоналарига кўрсатма ва тавсиялар берилиб, таъмирлаш ишларини сифатли бажарилиши таъминланмоқда.
“Ўзэнергоинспекция” Матбуот хизмати
1364
