Ўзбекистон Энергетика вазирлиги мутахассислари Энергетика регуляторлари минтақавий ассоциацияси (ЭРРА) томонидан ташкил этилган энергетика секторини тартибга солиш бўйича биринчи тренингда иштирок этдилар.
Тренинг жорий йилнинг 9-13 ноябрь кунлари Жаҳон банки ва ESMAP (Энергетика соҳасини бошқаришга кўмаклашиш дастури) кўмагида онлайн тарзда ўтказилди.
Энергетика секторини тартибга солиш бўйича ўқув курсининг асосий мақсади – энергетика соҳаси ва бозор сиёсати, тартибга солиш, лицензиялаш ҳамда мониторинг қилиш, шунингдек самарали ишлайдиган энергетика регуляторини ўрнатиш талаблари билан боғлиқ асосий масалалар бўйича ўқитиш ва салоҳиятни ривожлантиришни таъминлашдан иборат.
Тренингда шунингдек, энергетика секторини тартибга солиш соҳасидаги лойиҳаларни ишлаб чиқиш ва амалга оширишда иштирок этадиган энергетика компаниялари ва бошқа давлат органлари вакиллари ҳам иштирок этди.
Ўзбекистон Республикаси
Энергетика вазирлиги Матбуот хизмати
743
