Ижтимоий масъулият ҳар биримизнинг бурчимиз. Буни короновирус пандемияси яна бир бор ёдга солди. Ана шундай мураккаб даврда яшаш шароитини яхшилаш учун янги имкониятларни ишга солиш жуда зарур.
Метеорологларнинг фикрига кўра, бу йил қиш совуқ келиб, ҳаво ҳарорати олдинги йилларга нисбатан паст бўлиши кутилмоқда. Шу муносабат билан мамлакат аҳолисини иситиш мосламалари билан таъминлаш устувор вазифалардан саналади.
Фарғона нефтни қайта ишлаш заводи совуқ кунлар бошланиши билан, ишлаб чиқарилаётган иситиш (печ) ёқилғисининг нархини жорий йилнинг 20 ноябридан эътиборан пасайтиришга қарор қилди (илгари ушбу ёқилғининг тоннаси учун 4,4 миллион сўмни ташкил қилар эди):
- заводнинг ўзидан бир тоннаси учун 4 миллион сўмгача;
- Републикада жойлашган “Ўзбекнефтгаз” АЖнинг нефть омборларида бир тонна учун 3 миллион 950 минг сўмгача.
Ушбу чора республика аҳолисини қўллаб-қувватлашга, шунингдек, мактабгача ва умумий таълим муассасаларини, шунингдек автоном иситиш қозонларидан фойдаланадиган касалхоналар ва клиникаларни таъминлашга қаратилган.
Фарғона нефтни қайта ишлаш заводи Ахборот хизмати
865
