Жорий йилнинг 23 ноябрь куни Германия энергетика агентлиги (DENA), BerlinEconomics маслаҳат компанияси, Ўзбекистон Республикасининг Берлиндаги элчихонаси, Ўзбекистон Республикаси Энергетика вазирлиги, Инновацион ривожланиш вазирлиги, “Ўзбекистон миллий электр тармоқлари” АЖ ва “Энергия” МДМнинг 30 дан зиёд мутахассислари иштирокида Германиянинг ҚТЭни ривожлантириш ва уни энергетика инфратузилмасига интегрция қилишга доир тажрибасини ўрганишга бағишланган видеоконференцалоқа шаклида вебинар бўлиб ўтди.
Германиянинг ҚТЭ ва электр энергия тўплагичларни ривожлантиришга доир ижобий тажрибасини ўрганиш Ўзбекистон электр энергетикаси соҳасини янада барқарорлаштиришда муҳим аҳамият касб этади, чунки 2019 йил якунларига кўра ГФР ЕИдаги солиштирма улуши 18,7% ва электр энергияси ишлаб чиқаришнинг умумий ҳажми 605 млрд кВт·с бўлган энг йирик электр энергияси ишлаб чиқарувчи давлат ҳисобланади.
ГФР генерациясининг 2019 йилдаги тузилиши:
Таъкидлаш жоизки, 1990-2019 йилларда ГФРда ҚТЭнинг электр энергияси умумий истеъмолидаги солиштирма улуши 3,4% (18,9 млрд кВт·с) дан 42,1% (244,3 млрд кВт·с)га, ҚТЭ объектларининг умумий қуввати эса 4,2 дан 124,4 ГВт га, жумладан шамол электр станцияларнинг қуввати 60,8 ГВт, қуёш ФЭСларники эса 49 ГВт га ортди.
Ҳозирги вақтда Германияда қуёш умумий белгиланган қуввати 52,7 ГВт бўлган ФЭСлар сони 1,7 млн тадан ортди, 1,1 млндан зиёд уй хўжаликлари эса қуввати 10 кВтдан кам бўлмаган шахсий қуёш ФЭСларига, 250 мингдан ортиқ уй хўжаликлари эса электр энергиясини тўплаш тизимига эга.
Эътиборга лойиқ жиҳати шундаки, COVID-19 билан боғлиқ вазиятга қарамай, ГФРда жорий йилда 3,5 ГВт қуёш ва 1,2 ГВт шамол электр станциялари фойдаланишга топширилди.
2019 йил октябрь ойида ГФР Ҳукумати ҚТЭнинг электр энергияси истеъмолидаги улушини 65%, яъни 377 млрд кВт·с. га етказишни кўзда тутувчи иқлим муҳофазасига оид дастур (Klimaschutzprogramm 2030)ни тасдиқлади.
ГФРда анъанавий, қайта тикланадиган ва умумий генерация, млрд кВт.с ларда:
Мазкур мақсадли параметрларга эришиш учун 2030 йилга келиб ҚТЭ объектлари умумий қувватини 203 ГВт га, қуёш ФЭСлар қувватини 98 ГВт га ва шамол электр станциялари қувватини 91 ГВтга ошириш режалаштирилмоқда.
Юқоридаги фикрлардан келиб чиқиб, вебинар иштирокчилари келгусида маслаҳатлашувлар ўтказиш мақсадга мувофиқ эканини қайд этдилар.
Ўзбекистон Республикаси
Энергетика вазирлиги Матбуот хизмати
677
