Ҳурматли истеъмолчилар!
Жорий йилнинг 3 декабрь куни истеъмолчиларни ёқилғи-энергетика ресурслари билан таъминлаш бўйича амалга оширилган ишлар юзасидан маълумот бериб ўтамиз.
Хусусан, 3 декабрь куни иссиқлик электр станциялари ва гидро электр станциялари орқали 219 миллион 500 минг киловатт соат электр энергияси ишлаб чиқарилди. Шундан республика истеъмолчиларига 211 миллион 800 минг киловатт соат электр энергияси етказиб берилди.
Шунингек, 3 декабрь куни ҳудудий газ таъминоти корхоналари томонидан истеъмолчиларга жами 94 миллион 696 минг куб метр табиий газ етказиб бериш режалаштирилган бўлса, амалда 100 миллион 716 минг куб метр табиий газ етказиб берилди. Шунингдек, республика истеъмолчиларига жами 2 минг 174 тонна суюлтирилган газ етказиб берилди.
Истеъмолчиларни кўмир ва брикет маҳсулотлари билан таъминлаш мақсадида 3 декабрь куни “Ўзбеккўмир” акциядорлик жамияти томонидан 13 минг 522 тонна маҳаллий кўмир маҳсулотлари етказиб берилди.
Иссиқлик электр станцияларидаги барча энергоблоклар ўз номинал қувватида ишламоқда. Иш режими бўйича эътирозлар мавжуд эмас.
Корхоналарда қазиб чиқариш ва ишлаб чиқариш ишлари режалаштирилган режимда олиб борилмоқда. Барча корхоналарда 24 соатлик навбатчилик ташкил қилинган.
Навбатчилик давомида Тошкент вилоятининг Қибрай тумани, Дўрмон маҳалласида авриявий ҳолат туфайли электр таъминотида узилиш бўлганлиги юзасидан мурожаат қилинган. Шундан сўнг, Қибрай туман электр таъминоти корхонасининг тезкор бригадаси томонидан муаммо баратараф этилиб, электр таъминоти қайта тикланган.
Ҳудудлардаги масъул мутахассислар томонидан 24 соатлик навбатчилик ташкил қилинган ва бу орқали барча иш жараёнлари назоратга олинган.
Диспетчерлик хизмати маълумотига кўра, сутка давомида табиий газ таъминоти бўйича Бухоро, Тошкент, Самарқарнд ва Қашқадарё вилоятлари аҳолиси томонидан табиий газ босимининг пасайиб кетиши борасида қилинган мурожаатлар жойлардаги масъул ходимларга етказилди. Юзага келган камчиликларни оператив тартибда ижобий ҳал этиш бўйича топшириқлар берилди. Ҳозирда Республиканинг барча ҳудудларидаги табиий газ етказиб берувчи тармоқлар ишчи ҳолатида фаолиятини давом эттирмоқда. Технологик жараёнлар ва ускуналарда узилишлар, тўхтаб қолиш ёки авария ҳолатлари мавжуд эмас.
Шу ўринда истеъмолчилардан иситиш мосламаларига эҳтиёткорлик билан муносабатда бўлишингиз, газ ускуналаридан фойдаланишда хавфсизлик қоидаларига қаттиқ риоя қилишингизни сўраймиз.
Эслатиб ўтамиз, электр энергияси таъминоти билан боғлиқ масалалар бўйича 1154 ҳамда газ таъминоти масалалари бўйича 1104 қисқа телефон рақамларига мурожаат қилишингиз мумкин.
975
