Ҳурматли истеъмолчилар!
Жорий йилнинг 12 декабрь куни истеъмолчиларни ёқилғи-энергетика ресурслари билан таъминлаш бўйича амалга оширилган ишлар юзасидан маълумот бериб ўтамиз.
Хусусан, 12 декабрь куни иссиқлик электр станциялари ва гидро электр станциялари орқали 224 миллион 700 минг киловатт-соат электр энергияси ишлаб чиқарилди. Шундан республика истеъмолчиларига 214 миллион 100 минг киловатт-соат электр энергияси етказиб берилди.
Шунингек, сутка давомида ҳудудий газ таъминоти корхоналари томонидан истеъмолчиларга жами 94 миллион 696 минг куб метр табиий газ етказиб бериш режалаштирилган бўлса, амалда 107 миллион 873 минг куб метр табиий газ етказиб берилди. Шу билан бирга, республика истеъмолчиларига жами 1 минг 988 тонна суюлтирилган газ етказиб берилди.
Истеъмолчиларни кўмир ва брикет маҳсулотлари билан таъминлаш мақсадида 12 декабрь куни “Ўзбеккўмир” акциядорлик жамияти томонидан 14 минг 991 тонна кўмир маҳсулотлари етказиб берилди.
Иссиқлик электр станцияларидаги барча энергоблоклар ўз номинал қувватида ишламоқда. Иш режими бўйича эътирозлар мавжуд эмас. Корхоналарда қазиб чиқариш ва ишлаб чиқариш ишлари режалаштирилган режимда олиб борилмоқда. Барча корхоналарда 24 соатлик навбатчилик ташкил қилинган.
Самарқанд вилоятидаги 1 та маҳалла фуқаролар йиғинида 100 та, Тошкент шаҳар М.Улуғбек туманидаги 1 та маҳалла фуқаролар йиғинида 203 та, Сергели туманидаги 3 та маҳалла фуқаролар йиғинида 730 та аҳоли истеъмолчиларининг электр таъминотида узилиш кузатилган. Жойлардаги авариявий бригадалар томонидан камчиликлар бартараф этилиб, истеъмолчилар электр тармоқларига уланган.
Диспетчерлик хизматининг маълумотига кўра, навбатчилик давомида табиий газ таъминоти бўйича, Андижон, Самарқанд, Навоий, Тошкент ва Сурхандарё вилоятларидан мурожаатлар келиб тушган. Йўлланган мурожаатлар ҳудудлардаги масъул мутахассисларга етказилиб, узилишларни бартараф этиш чоралари кўрилган.
Истеъмолчиларга суюлтирилган газни маиший газ баллонларида етказиб берилиши борасидаги барча ишлар режалаштирилган график бўйича амалга оширилмоқда.
Шу ўринда истеъмолчилардан иситиш мосламаларига эҳтиёткорлик билан муносабатда бўлишингиз, газ ускуналаридан фойдаланишда хавфсизлик қоидаларига қаттиқ риоя қилишингизни сўраймиз.
Эслатиб ўтамиз, электр энергияси таъминоти билан боғлиқ масалалар бўйича 1154 ҳамда газ таъминоти масалалари бўйича 1104 қисқа телефон рақамларига мурожаат қилишингиз мумкин.
1048
