Аҳоли хонадонлари ва ижтимоий соҳа объектларини 2020-2021 йилларда куз-қиш мавсумида электр энергияси, табиий ва суюлтирилган газ ҳамда кўмир билан таъминлаш борасидаги ишлар самарадорлигини ошириш, жойларда мазкур йўналишдаги камчиликларни бартараф этишга кўмаклашувчи Республика ишчи гуруҳи жорий йилнинг 12 декабрь куни Андижон вилоятининг Қўрғонтепа туманида бўлди.
Жумладан, штаб аъзолари Қурғонтепа туманида бўлиб аҳолининг электр энергияси билан боғлиқ муаммоларини ўрганди. Натижасида “Қўштепа” МФЙ ўрамида 3,4 км. 10/0,4 кВли электр узатиш тармоқлари тортилди ва реконструкция ишлари амалга оширилди. Қуввати 160 кВА бўлган 1 дона янги трансформатор пункти ўрнатилди. Натижада 365 та аҳоли хонадонининг электр таъминоти яхшиланишига эришилди.
Шунингдек, штаб аъзолари тумандаги “Қўштепа” маҳалласининг Дала, Мустақиллик кўчаларида ҳам бўлишди. Ушбу маҳалладаги темир дафтарга киритилган хонадонларга 100 тонна кўмир маҳсулотлари, газ плиталари ва суюлтирилган газ балонлари етказиб берилди. Узоқ йиллар давомида электр энергиясидан муаммолари мавжуд бўган “Мустақилликнинг 15 йиллиги” маҳалла аҳолига қулайлик яратиш мақсадида 0,682 км. электр узатиш тармоғи реконструкция қилиниб, мавжуд трансмформаторга қўшимча яна янгидан замонавий транформатор ва ҳудуддаги аҳоли хонадонларига замонавий хисоблагичлар ўрнатилди.
Натижада ушбу маҳалладаги 80 дан зиёд хонадон эгаларини электр энергияси таъминоти яхшиланиб келгусида бунёд бўладиган янги хонадонларга ҳам заҳира электр энергияси яратилди.
Андижон вилояти Кўрғонтепа туманида Энергетика вазирлиги ишчи гуруҳи вакиллари иштирокида куз-қиш мавсумидаги долзарб масалаларга бағишланган йиғилиш бўлиб ўтди.
Туман ҳокими, сектор раҳбарлари, вилоятдаги энергетика тизими корхоналари вакиллари иштирок этган йиғилишда Республика ишчи гуруҳининг ўрганишлари асосида аҳоли хонадонлари, ижтимоий соҳа объектларининг кўмир, электр энергияси ва газ билан таъминланиши ҳолати атрофлича муҳокама қилиниб, бу борадаги муҳим вазифалар белгилаб олинди.
Махсус штаб томонидан тизимдаги мавжуд муаммоларни бартараф этиш, қиш мавсумини беталофат ўтказишга қаратилган барча ишлар олиб борилмоқда.
Энергетика вазирлиги Матбуот хизмати
768
