2020 йил декабрь ойида рақамли технологияларга асосланган «Фарғона нефтни қайта ишлаш заводи» МЧЖ ишлаб чиқариш-хўжалик фаолиятининг самарадорлиги ва шаффофлигини ошириш учун бирлаштирилган ахборот тизимини – бизнес жараёнларни автоматлаштириш лойиҳаси бошланди.
Лойиҳа завод бошқаруви жараёнларининг асосий йўналишларини ўз ичига олади:
- Тўловлар ва ликвидликни бошқариш (тўловларни амалга ошириш ва касса ҳолатини шакллантириш)
- Бухгалтерия ва солиқ ҳисоби
- Бошқарув ҳисоби
- Харид ва инвентаризация бошқаруви
- Тайёр маҳсулотни сотиш ва жўнатиш бошқаруви
- Ускуналарга техник хизмат кўрсатиш ва таъмирлашни бошқариш
- Инвестициялар ҳаражатлари ҳисобини юритиш
Жорий йилнинг 11 декабрь куни Бизнес жараёнларини автоматлаштириш бўйича директор ўринбосари Алшаникова Наталя Василевна фаолият йўналишлари бўйича завод раҳбарлари билан биринчи танишув учрашувини ўтказди. Лойиҳа тақдимоти бўлиб ўтди, унда ҳар бир ходимнинг мақсадлари, иш тартиби ва вазифалари презентацияси ўтказилди.
Учрашув фаол мулоқот руҳида бўлиб ўтди, унда иштирокчилар ўзларини қизиқтирган саволларга жавоб олишди. 2021 йил январь ойидан бошлаб ушбу турдаги завод мутахассисларининг мақсадли гуруҳлари билан қатор учрашувлар ўтказилиши режалаштирилгани қайд этилди.
ФНҚИЗ Матбуот хизмати
999
