Ўзбекистон Республикаси Энергетика вазирининг “Иқтисодиёт тармоқларида энергия самарадорлик ва энергия тежамкорлик соҳасида амалга оширилган лойиҳалар бўйича республика конкурсини ўтказиш тўғрисида” 2019 йил 25 декабрдаги 97-сон буйруғи қабул қилиниб, ушбу буйруққа мувофиқ, Конкурс натижаларини аниқлаш муддати 2020 йил 30 октябрь куни этиб белгиланиши, Конкурс ўтказиш ҳайъати таркиби ва Конкурс ўтказиш тўғрисидаги Низом тасдиқланиши назарда тутилган.
Мазкур Низом билан:
Конкурсга 2018 йил 1 январдан 2020 йил 1 июлгача бўлган даврда амалга оширилган лойиҳалар қабул қилиниши;
Конкурс ташкилотчиси Ўзбекистон Республикаси Энергетика вазирлиги бўлиб ҳисобланиши ҳамда вазирлик 2020 йил 30 августга қадар Конкурс қатнашчиларининг конкурсда иштирок этиш буюртманомаларини йиғиши;
келиб тушган буюртманомалар бўйича белгиланган 4 та йўналишдаги 6 та номинациянинг ҳар бири юзасидан ҳайъат томонидан танлаб олиниши натижасида 3 (уч) та энг яхши лойиҳа аниқланиши;
Конкурс ишларини қабул қилиш муддатини тугаши 2020 йил 30 августгачалиги;
Конкурс хайъати 2020 йил 20 октябрга қадар муддатда Конкурсга қўйилган барча ишларни экспертизасини ўтказиши;
Конкурс ғолибларини танлаш ва уларни тақдирлаш шартлари;
Конкурсни ҳар бир номинациядаги ғолиблари дипломлар ва рағбатлантирувчи мукофотлар билан тақдирланиши белгиланган.
Шу билан бирга, Низомнинг Иловасида “Энергия самарадорлик ва энергия тежамкорлик соҳасида амалга оширилган лойиҳалар бўйича республика конкурси”да қатнашиш учун БУЮРТМАНОМА ШАКЛИ келтирилган.
