Бугун мамлакатимизда халқ билан мулоқот қилишнинг янгича тизими – “маҳаллабай” асосда иш ташкил этиш, шу орқали аҳолини қийнаб келаётган кўплаб муаммоларни ҳал этиш вазифаси кун тартибида турибди. Айниқса, электр энергия истеъмолчиларининг мурожаатларини маҳаллабай кесимда чуқур ўрганиш ва ҳал этиш бўйича янги тизимнинг йўлга қўйилгани жойлардаги муаммоларни тезкор ва самарали ҳал этиш имконини бермоқда.
Шундан келиб чиқиб, вазирлик ва идоралар, барча соҳалардаги мутасадди ташкилотлар раҳбарлари жойларда аҳоли вакиллари билан очиқ мулоқотлар ўтказиб, одамларни ўйлантираётган масалаларни жойида ҳал этишга ҳаракат қилмоқда. Бу жараёнда “Ўзэнергоинспекция” Тошкент шаҳар ҳудудий бўлими ходимлари ҳам фаол иштирок этишга киришди.
Яқинда “Ўзэнергоинспекция” Тошкент шаҳар ҳудудий бўлими томонидан пойтахтимизнинг Яшнобод туманидаги “Мумтоз” Маҳалла фуқаролар йиғинида жисмоний ва юридик шахслар билан очиқ мулоқот қилинган эди. Унда бугунги кунда ушбу маҳаллада мавжуд муаммолар мутасадди ташкилот вакиллари томонидан ўрганилди. Хусусан, “Мумтоз” МФЙ фуқаролари томонидан ҳудудда носозликлар сабабли электр энергиясидан узилишлар бўлаётганлиги ва ушбу ҳолатни кўп йиллар давомида бартараф қилинмаётганлигидан норозигини билдиришди. Мазкур ҳолатни узоқ йиллар мобайнида ишлаб келаётган эскирган трансформаторни янгилаб беришини ва хонадонларда сифатли ва барқарор ҳолатда электр энергиясини узатилишини сўраб мурожаат қилган.
Маҳалла раиси Соибжон Акбаровнинг таъкидлашича, маҳаллада айни кунда истеъмол қуввати ортаётгани ва эскирган трансформаторнинг қуввати етмаслигини тушинтирди. Инспекция ходимлари ва “Тошкент ҲЭТК” ходимлари иштирокида мазкур муаммо ҳал этилди. Унга кўра ҳудуддаги 288-ТП трансформатор 250 КВдан 400 КВга қувватга эга бўлиб, янгиланди ҳамда узлуксиз ва сифатли электр энергияси билан таъминланди.
Бу каби “маҳаллабай” ишлаш тизими орқали Тошкент шаҳрининг барча ҳудудларида кенг миқёсда олиб борилаётган очиқ мулоқот ва тадбирлар доирасида аниқланган муаммолар чуқур таҳлил этилиб, уларнинг ҳал этилиши назоратга олинмоқда.
“Ўзэнергоинспекция” Матбуот хизмати
1415
