Газ таъминоти хизматлари сифатини ошириш бўйича таклиф ва шикоятлар, ишлаб чиқариш жараёнини мукаммалаштириш ва таъминотчи корхона ҳамда мижоз ўртасидаги алоқаларни яхшилаш, қонунбузарлик ҳолатлари аниқланганда тезкорлик билан мурожаат қилиш учун бугунги кунда “Ҳудудгазтаъминот” АЖ қошида 1104 ва 99871 200-08-04 ишонч телефонлари ишламоқда.
Амалиёт шуни кўрсатмоқдаки, 2019 йилнинг 1 август кунидан бошлаб “Ҳудудгазтаъминот” АЖ колл-марказига жисмоний ва юридик шахслардан 443 та мурожаат келиб тушди. Бугунги кунгача 340 дан ортиқ мурожаат кўриб чиқилган бўлиб, шулардан 278 таси ижобий ҳал этилди. 60 та мурожаат бўйича тушунтириш ишлари олиб бирилган бўлса, 102 та мурожаат юзасидан ўрганиш ишлари олиб борилмоқда.
Жорий йилнинг 16 сентябр куни “Facebook” ижтимоий тармоғида “Газ таъминоти муаммолари ва уларни ҳал этиш йўллари” гуруҳининг иш бошлаши аҳоли билан ўзаро мулоқот самародорлигини янада оширди. Ўтган вақт мобайнида гуруҳ аъзоларининг сони 979 кишига етиб, уларнинг сони кун сайин ортиб бормоқда. Гуруҳга мурожаатлар ва шарҳларнинг сони эса 2 мингдан ошди. Мазкур гуруҳига қуйидаги ҳавола орқали аъзо бўлиш ва газ таъминоти соҳасидаги ўзингизни қийнаётган масалалар юзасидан мурожаатларни қолдириш мумкин.
“Газ таъминоти муаммолари ва уларни ҳал этиш йўллари” гуруҳи
Аҳоли истак ва ҳоҳишларини қабул қилиш, уларнинг газ таъминотидаги муаммоларини тезкорлик билан ҳал этиш, мижозлар билан ўзаро ишончли алоқаларни ўрнатиш мақсадида жойлардаги “Ҳудудгазтаъминот” АЖ ижро аппаратларида маҳсус колл-марказлари ташкил этилмоқда. Аҳоли мурожаатлари билан ишлаш жараёнларига очиқлик ва шаффофликни таъминлш мақсадида замонавий техникалар жорий этилади.
Ўзаро ишончга асосланган мулоқот албатта, газ истеъмочилари билан акциадорлик жамияти мутахассислари ва унинг таркибий бўлимларининг самарали ва тенг ҳуқуқли алоқаларини таъминлашига хизмат қилади.
«Ҳудудгазтаъминот» АЖ матбуот хизмати
57295
