Uzbekistan GTL заводи юқори сифатли синтетик ёқилғи маҳсулотлари ишлаб чиқариши, импорт ўрнини босиш мақсадида Республикамизнинг ички бозорига ва мамлакатнинг экспорт салоҳиятини ошириш мақсадида ташқи бозорларга етказиб беришни бошлаши кўзда тутилган бўлиб, завод ишга тушиши билан, бошқа маҳсулотлар қаторида GTL синтетик керосин (ASTM D7566 1-иловасига мувофиқ) маҳсулоти ишлаб чиқариш бошланади. Хозирги кунда ушбу ёқилғи нефт хом-ашёси негизида олинган Джет А-1 авиакеросини билан 50%гача бўлган пропорцияда қўлланишига рухсат берилган.
Uzbekistan GTL ички бозорни узлуксиз авиаёқилғи билан таъминлаш мақсадида халқаро станартлаш ва мувофиқлаштириш ташкилотларида синтетик керосинни бошқа ёқилғи маҳсулотлари билан аралашмаган холда авиаёқилғи (Джет А-1) сифатида тан олиниши учун амалий ишлар ва музокаралар бошланган. Хозирги кунга келиб ушбу йўналишда илмий тадқиқот ишларини олиб бориш мақсадида АҚШнинг Техас қишлоқ хўжалиги саноати ва машинасозлик унивеситети (Texas A&M University) ва Германиянинг Аэрокосмик, энергетика ва транспорт тадқиқотлари миллий маркази (DLR) билан яқиндан хамкорлик ўрнатилган ва керакли чора тадбирлар амалга оишрилмоқда.
Бундан ташқари Boeing, Airbus, GE aviation, Rolls-Royce Pratt & Whitney каби самолёт, унинг турбина ва эхтиёт қисимларини ишлаб чиқарувчи йирик концернлар билан илмий-амалий ишлар олиб бориш мақсадида яқиндан хамкорлик ўрнатилмоқда.
Шу билан бир қаторда Uzbekistan GTL заводи АҚШнинг ASTM International халқаро ташкилотининг “Нефт маҳсулотлари, суюқ ёқилғи ва мойлаш материаллари бўйича D02” техник қўмитасига ташкилий тузилма сифатида аъзо бўлди.
ASTM International – материаллар, маҳсулотлар, тизимлар ва хизматлар учун ихтиёрий стандартларини ишлаб чиқувчи ва нашр этувчи халқаро ташкилот. Ушбу ташкилот 1898 йилда Халқаро синов материаллари ассотситсиясининг АҚШ бўлими сифатида ташкил этилган ва дастлаб темир йўл материаллари учун сифат назорати стандартлари билан шуғулланган.
ASTM 12 000 га яқин халқаро тан олинган стандартларни ўз ичига олади. ASTM стандартлари 80 жилддан иборат.
5 000 дан ортиқ ASTM стандартлари АҚШдан ташқари бошқа давлатларда миллий стандарт сифатида қабул қилинган ва 60 дан ортиқ мамлакатлар ўзларининг меъёрий-хуқуқий базалари учун ASTM стандартларидан фойдаланадилар.
ASTM International билан хамкорлик Uzbekistan GTL га халқаро стандартларни ишлаб чиқишда, янгиланишида ва тасдиқланиш жараёнларида иштирок этишга имкон беради. Натижада нафақат Uzbekistan GTL балки республиканинг умумий нефт-газ саноати халқаро даражада тан олинишига эришилади.
Маълумот ўрнида таъкидлаш жоизки, Uzbekistan GTL Ўзбекистондаги биринчи ва ягона ASTM International нинг, стандартларни кўриб чиқишда компания номидан овоз бериш хуқуқи билан ташкилий аъзоликни қўлга киритган юридик шахс мақомига эга бўлди.
Ушбу аъзолик шунингдек Uzbekistan GTL заводида ишлаб чиқариладиган синтетик керосин маҳсулотини халқаро даражада авиаёқилги сифатида тан олинишида керакли таклифлар киритишга ва амалий ишлар олиб боришга имкон яратди.
954
