Санаси: 2021 йил 14 июль
Вақти: 14:30-20:30 (Тошкент вақти билан)
Жой: Видеоконференцсалоқа.
Мақсад: Ўзбекистон Ҳукуматининг экологик тоза энергияга ўтиш дастури доирасида қайта тикланувчи энергия манбаларидан фойдаланишни кенгайтириш. Давра суҳбати ҳозирги ҳолат ва келгусидаги режаларни тақдим этади ва стратегия, сиёсат, меъёрий ҳужжатлар, замонавий технологиялар, хусусий сектор иштироки ва инновацион молиялаштириш механизмлари бўйича илғор тажрибаларга асосланади.
Мақсадли аудитория: Ўзбекистон ва унинг энергетика соҳасидаги сиёсатчилар, ижро этувчи агентликлар ва бошқа манфаатдор томонлар (маслаҳатчилар, таҳлил марказлари). Хусусан, давра суҳбатига Инвестициялар ва ташқи савдо вазирлиги, Иқтисодий тараққиёт ва камбағалликни қисқартириш вазирлиги, Молия вазирлиги, ДХШни ривожлантириш агентлиги, саноат компаниялари ва бошқа манфаатдор идора ва ташкилотлар таклиф этилади. Осиё тараққиёт банки, Европа тикланиш ва тараққиёт банки ва Жаҳон банки гуруҳлари (ВБ ва МФК) ҳам давра суҳбатига қўшилишади ва Ўзбекистондаги экологик тоза энергияга ўтишни осонлаштириш учун потенциал ёрдамни муҳокама қилишади. Шунингдек, унда ХМИ ва халқаро компаниялар вакиллари ҳам иштирок этишади.
Ҳамкор ташкилотлар: Ўзбекистон ҳукумати, Жаҳон банки гуруҳи ва Европа тикланиш ва тараққиёт банки ҳамкорлигида ташкил этилган.
Муҳокама мавзулари:
• Ўзбекистонда қайта тикланувчи энергетикани ривожлантириш: тараққиёт, муаммолар, тўсиқлар ва ислоҳотларнинг янги тўлқини.
• Ўзбекистонда қайта тикланувчи энергия манбаларини ривожлантириш учун қулай муҳит, шу жумладан меъёрий-ҳуқуқий база ва институционал жавобгарлик.
• Ҳукуматнинг электр энергияси соҳасида рақобатбардош улгуржи бозорига ўтиш ташаббуси.
• Тоза энергияга ўтиш ва энергетика соҳасини декарбонлаштириш.
• Париж келишуви ва миллий белгиланган ҳиссаларга мувофиқ иссиқхона газлари чиқиндиларини камайтириш ва глобал ифлосланиш муаммоларини ҳал қилишда қайта тикланувчи энергия манбаларининг ўрни.
• Қайта тикланувчи энергия дастурида ёшларни қўллаб-қувватлаш ва гендер тенглигини таъминлаш.
• Қайта тикланувчи энергия манбаларини ривожлантириш бўйича халқаро тажриба ва олинган сабоқлар.
• қайта тикланувчи энергия манбаларидан фойдаланишни кенгайтиришда хусусий сектор ва молиялаштиришнинг ўрни,
• қайта тикланувчи ва водород энергиясини ривожлантиришнинг технологик жиҳатлари;
• Ўзбекистонда тоза энергетикага ўтишни тезлаштириш ва энергетика соҳасини декарбонлаштиришда ривожланиш бўйича шериклар томонидан берилиши мумкин кўмак.
1716
