«Ўзбекистон миллий электр тармоқлари» АЖнинг Call марказ рақами — +998 (55) 500-5545 ишга тушди. Дастлаб қўнғироқни виртуал оператор — робот қабул қилиб, ўзбек ва рус тилларида «Ўзбекистон миллий электр тармоқлари» АЖ ҳақида қисқача маълумотлар беради.
Сўнг робот истеъмолчиларга электр таъминоти, жумладан “ақлли ҳисоблагич”лар, маҳаллалардаги темир-бетон таянч ва трансформаторлар юзасидан таклиф, шикоят ёки аризалар мавжуд бўлса, «Ҳудудий электр тармоқлари» АЖнинг истеъмолчилар учун махсус ташкил этилган Call марказ қисқа — 1154 рақамига қўнғироқ қилишни тавсия этади.
Шу ўринда алоҳида таъкидлаш лозимки, электр таъминотига Ўзбекистон Республикаси Энергетика вазирлиги тизимидаги бир нечта ташкилотлар масъул бўлса-да, истеъмолчилар билан бевосита шартномалар тузиш ҳамда ўзаро ҳисобдорлик юритиш, шунингдек, паст кучланишли тармоқларни ривожлантириш, симёғоч ва трансформаторлар ўрнатиш, шу билан бирга, кўплаб бошқа хизмат турларини кўрсатиш «Ҳудудий электр тармоқлари» АЖнинг ваколатларига киради.
«Ўзбекистон миллий электр тармоқлари» акциядорлик жамияти — мамлакатимизда ишлаб чиқарилган ва қисман қўшни республикалардан импорт қилинаётган электр энергиясини паст кучланишли тармоқларга етказиб бериш, энерготизим барқарорлигини сақлаш билан шуғулланувчи ташкилот ҳисобланади.
«Ўзбекистон миллий электр тармоқлари» акциядорлик жамиятининг Call sentry рақами — +998 (55) 500-5545 юқорида зикр этилган масалаларни қисқа баён қилгач, қўнғироқ эгасига оператор билан боғлашни таклиф этади ва робот аввал Ягона рақам, сўнг Ишонч ва Канцелярия рақамлари билан боғлайди.
«Ўзбекистон МЭТ» АЖ Ахборот хизмати
23401
