Сирдарё вилоятининг Ширин шаҳрида камида 1 200 МВт қувватга эга янги иссиқлик электр станциясини қуриш лойиҳасини амалга оширишда тендер танловлари доирасидаги дастлабки танлов иштирокчилари 2021 йил 22 октябрь куни соат 16:00 га қадар Таклифлар сўровига (RFP) жавобан ўз таклифларини тақдим этдилар.
Танлов қоидалари талабларига мувофиқ, Тендер комиссияси Халқаро молия корпорацияси (IFC) кўмагида маълумотларнинг тўлиқлиги ва таклифлар сўровида (RFP) кўрсатилган талабларга мувофиқлигини баҳолашни давом эттиради. Ва кейин иштирокчилар учун йўриқномага мувофиқ қонуний мажбурий, техник ва тижорий (I конверт) талабларини баҳолайди.
Шундан сўнг, Тендер комиссияси тўлиқлиги ва мажбурий ҳуқуқий, техник ва тижорат талабларига мувофиқлиги (I конверт) синовидан ўтган дастлабки саралаш иштирокчиларини II конвертнинг (молиявий таклиф) очилиш маросимида иштирок этишга таклиф қилади.
Таъкидлаш жоизки, мазкур лойиҳани амалга ошириш доирасида Ўзбекистон ҳукумати томонидан Халқаро молия корпорациясининг техник кўмагида Сирдарё вилоятининг Ширин шаҳрида қуввати камида 1 200 МВт бўлган янги иссиқлик электр станциясини қуриш бўйича икки босқичли очиқ тендер ўтказилади.
Мазкур лойиҳа Ўзбекистон Президенти Шавкат Мирзиёев раҳбарлигида иқтисодиётда, жумладан, электр энергетика соҳасида амалга оширилаётган кенг кўламли ислоҳотлар жараёнида мамлакатимиз электр энергетика соҳасини ривожлантириш дастурининг бир қисми ҳисобланади.
Таклифлар талабига жавобан ўз таклифларини тақдим этган компаниялар рўйхати:
1) International Company for Water and Power Projects (ACWA Power)
2) Компаниялар консорциуми:
Energy de France (EDF)
Nebras Power Investment Management B.V.
Sojitz Corporation
3) POWERCHINA Resources Ltd.
Ўзбекистон Республикаси
Энергетика вазирлиги Матбуот хизмати
926
