2022 йил 2 июнь куни “Sasol” ва “Uzbekistan GTL” компаниялари паст ҳароратли Фишер-Тропш™ (LTFT ™) катализаторларини етказиб бериш бўйича ўзаро Англашув Меморандумини имзолади.
Англашув Меморандумини имзолаш Озарбайжон пойтахти Боку шаҳрида бўлиб ўтаётган Каспий минтақасининг энергетика соҳасидаги энг нуфузли тадбирлардан бири бўлган Боку энергетика ҳафталиги доирасида 27-Каспий нефт ва газ халқаро кўргазмасида бўлиб ўтди.
Ўзаро Англашув Меморандуми “Sasol” ва “Uzbekistan GTL” ўртасида 2018 йилда имзоланган катализаторларни етказиб бериш бўйича биринчи шартномага асосланган бўлиб, унда янги авлод Sasol eco (G3) катализаторини етказиб бериш кўзда тутилган.
“Ўзаро Англашув Меморандуми ишончли ҳамкоримиз “Uzbekistan GTL” билан самарали ҳамкорлигимизни кенгайтиришда муҳим босқичдир. Биз “Uzbekistan GTL” лойиҳасининг муваффақиятини катта қизиқиш билан кузатяпмиз. Ишончимиз комилки, янги авлод катализаторларини етказиб бериш ишлаб чиқариш жараёнлар самарадорлигини янада оширади”, деди “Sasol Chemicals” компаниясининг Илғор Материаллари бўйича Вице-президенти доктор Кронье Гроув.
“Sasol Chemicals” компаниясининг GTL катализаторлар соҳасидаги етакчи позицияси янги авлод катализаторларини ишлаб чиқиш ва ишлаб чиқаришга йўналтирилган “CARE-O-SENE” консорциумининг яқинда ташкил этилиши билан таъкидланади.
“Ўзбекнефтгаз” АЖ “SOCAR” Озарбайжон Давлат нефть компанияси таклифига биноан Боку энергетика ҳафталигида иштирок этмоқда.
Боку энергетика ҳафталиги Каспий минтақасининг нефт-газ ва энергетика соҳасидаги энг нуфузли тадбир бўлиб, унинг очилиш маросимида Озарбайжон Республикаси Президенти Илҳом Алиев иштирок этди.
673
