Assalomu alaykum, hurmatli isteʼmolchilar!
Bugun, joriy yilning birinchi yarim yilligi davomida Energetika vazirligi tomonidan jismoniy va yuridik shaxslarning murojaatlari bilan ishlash borasidagi faoliyati haqida maʼlumot beramiz.
Takidlash kerakki, joriy yilning yanvar-iyul oylari davomida Energetika vazirligiga 1 135 ta murojaat kelib tushdi. Xususan, 545 ta yozma murojaatlar, 337 ta elektron murojaatlar, 166 ta og‘zaki (shu jumladan ishonch telefoni) murojaatlar va 87 ta virtual qabulxonalari orqali murojaatlar kelib tushgan.
Ushbu kelib tushgan murojaatlarning 1 126 tasi joyida nazoratga olingan, 292 tasiga choralar ko‘rilgan, 779 tasiga tushuntirish berilgan va 62 ta murojaat ayni kunda o‘rganish jarayonida hamda 2 ta murojaat tegishli bo‘lmaganligi bois rad etilgan.
Murojaatlarinng asosiy qismi aholining elektr energiyasi taʼminoti yuzasidan bo‘lib, ushbu mrojaatlar o‘rnatilgan tartibda hududiy elektr taʼminoti korxonalari tomonidan joyida hal qilib berilgan. Xuddi shuningdek, tabiiy va suyultirilgan gaz taʼminoti masalasi bo‘yicha ham murojaatlar kelib tushgan bo‘lib, ularning aksariyat qismi ijobiy hal qilingan.
Hurmatli isteʼmolchilar! Sizda yoqilg‘i energetika kompleksi sohasiga oid taklif, savol yoki eʼtirozlar bo‘lsa, Umumiy va murojaatlar bilan ishlash bo‘limining 71-236-38-22 ishonch telefoniga yoki info@minenergy.uz elektron manziliga murojaat qilishingiz mumkin.
Shuningdek, elektr energiyasi taʼminoti yuzasidan 11-54 qisqa raqami yoki Telegram‘dagi (@HET_admin) adminstratorga, shuningdek, tabiiy va suyultirilgan gaz taʼminoti yuzasidan 1104 va (71) 200-08-04 ishonch telefonlari yoki Facebook ijtimoiy tarmog‘idagi guruhga murojaat qilishingiz mumkin.
Yo‘llangan murojaatlar o‘rnatilgan tartibda o‘rganib chiqiladi va qisqa fursatlarda javob qaytariladi.
O‘zbekiston Respublikasi
Energetika vazirligi Matbuot xizmati
343
1005
