“Bu katta yutuq va muhim bosqich bo‘lib, turli jamoalarning ko‘p yillar davomida ko‘rsatgan fidoyiligi va mehnatsevarligidan dalolat beradi. “Sasol” kompaniyasi o‘n yildan ortiq vaqt davomida UzGTLni texnologiya, litsenziyalash, katalizatorlar va loyiha guruhlari bilan taʼminlash bilan qo‘llab-quvvatlaganidan faxrlanadi. Bizning maydondagi guruhimiz va bosh ofisimizdagi qo‘llab-quvvatlash guruhi o‘z ishiga sodiq qolgan holda, zavodni ishga tushirishning qolgan ishlarida va dastlabki ekpluatatsiya bosqichida yordam ko‘rsatishga tayyordirlar”, - deya taʼkidladi “Sasol” kompaniyasining Prezidenti va Bosh direktori Flitvud Grobler O‘zbekiston Respublikasi Energetika vazirligi, “O‘zbekneftgaz” AJ va “Uzbekistan GTL” MCHJ yo‘llagan tabrigida.
Tabriknomada janob Grobler “Uzbekistan GTL” zavodini loyihaviy quvvatga chiqarishda ulkan muvaffaqiyatlar tilab, uzoq muddatli va samarali hamkorlikni kengaytirishga umid bildirib, “Sasol” kompaniyasining yuqori boshqaruv guruhi yaqin kunlarda shaxsan uchrashish va tabriklarini yetkazish uchun O‘zbekistonga tashrif buyurishini maʼlum qildi.
Janubiy Afrikaning kompaniyasi “Sasol Technology (Pty) Ltd.” “SASOL SPD” texnologiyasi - sintetik suyuq yoqilg‘i ishlab chiqarish bo‘yicha “Uzbekistan GTL” loyihasining yagona litsenziari hisoblanadi. Kompaniya sintetik yoqilg‘i ishlab chiqarish bo‘yicha dunyoda yetakchi bo‘lib, GTL texnologiyasini tijoratlashtirish asoschisi hisoblanadi. “Sasol” ikki qitʼada jahon darajasidagi GTL loyihalarini ishlab chiqdi. O‘zbekistondagi GTL zavodi “Sasol” texnologiyasi bo‘yicha loyihalashtirilgan dunyodagi uchinchi zavoddir.
761
