Xabar berganimizdek, “ACWA Power” kompaniyasi bilan O‘zbekistonda umumiy quvvati 1400 MVt bo‘lgan ikkita yirik quvvatli quyosh fotoelektr stansiyasi va uchta energiya saqlash tizimlarini qurish bo‘yicha bitimlar imzolandi. Shuningdek, Toshkent viloyatida quvvati 400 MVt bo‘lgan quyosh fotoelektr stansiyasi qurilishiga start berildi.
Ushbu yirik loyiha hamda bu borada O‘zbekistonda amalga oshirilayotgan ishlar haqida Saudiya Arabistonining “ACWA Power” kompaniyasi boshqaruv raisi Muhammad Abdulla Abunayyan bilan “O‘zbekiston 24” telekanali jurnalisti suhbat qildi.
Muhammad Abdulla Abunayyan – “ACWA Power” kompaniyasi boshqaruv raisi:
“Men uchun bugun loyihaning tamal toshini qo‘yish va shartnoma imzolash marosimida ishtirok etish katta sharaf. Bu loyiha shubhasiz davlatlarimiz rahbarlari – Saudiya Arabistoni qiroli va O‘zbekiston Prezidenti janobi oliylari o‘rtasidagi strategik munosabatlar mahsuli.
O‘zbekiston Prezidenti janobi oliylarining o‘tgan yilning avgust oyida Saudiya Arabistoniga tashrifi – davlatlarimiz o‘rtasidagi hamkorlik aloqalari rivojida juda muhim ahamiyat kasb etdi. Bu iqtisodiy hamkorlikda ayniqsa o‘z ifodasini topdi. Buning natijasiga bevosita guvoh bo‘lib turibmiz.
Mamlakatlarimiz yetakchilari ushbu munosabatlardan juda yuqori natijalarni kutmoqda. Shu bilan birga, O‘zbekiston Prezidenti janobi oliylariga minnatdorligimni bildirishni istardim. Aynan u kishining qarashlari, tashabbuslari bilan O‘zbekistonni mintaqadagi yashil xabga aylantirish yo‘lida yana bir qator loyihalarni amalga oshirish ko‘zda tutilgan. Prezident O‘zbekiston inverstorlar uchun eng qulay va sarmoya olib kirib, muvaffaqqiyatli loyihalarni tadbiq etish uchun munosib manzil ekanini butun dunyoga namoyish qilmoqda”.
Jurnalist: O‘zbekiston Prezidenti mamlakat energetika tarmog‘i modernizatsiyasi bo‘yicha muhim islohotlarni amalga oshirmoqda, ayniqsa yashil energetikani rivojlantirish bo‘yicha. Siz bu sa’y-harakatlarni qanday baholaysiz?
Muhammad Abdulla Abunayyan: “O‘zbekiston Prezidenti so‘nggi 6 yil ichida mamlakatingizda ulkan o‘zgarishlar, transformatsiya jarayonlarini amalga oshirdi. Bu islohotlar albatta yashil energetika sohasida ham o‘z ifodasini topdi. Energetika sektoridagi bugungi yangilanishlar, prezidentning qarashlari va taraqqiyot strategiyasida ko‘zlangan maqsadlarning hayotdagi real ifodasi bo‘ldi.
Prezident mamlakat energetikasi ishonchli, muqobil, qayta tiklanadigan bo‘lishi tarafdori va bunda eng so‘nggi tehnologiyalardan foydalangan holda, atrof-muhit muhofazasiga urg‘u qaratishni ustuvor deb bilmoqda. Bu esa O‘zbekiston Prezidentining energetika sohasini trasnformatsiya qilishdagi noyob modeli sifatida boshqa mamlakatlar uchun ham nanuna bo‘la oladi. Prezident janobi oliylari energetika sektorida yangi qonunchilik bazasi tizimini shakllantira oldi va butun hukumat mas’ullari tashabbusga hayrixoh. “ACWA Rower” kompaniyasi ilk hamkor sifatida, Prezidentingizning qat’iyatiga, qarashlari va strategiyasiga va albatta loyihalarimizning muvaffaqqiyatli realizatsiyasiga ishonchi komil”.
Jurnalist: Bilamiz, “ACWA Rower” kompaniyasining lohiyalar portfeli ham kengayib bormoqda. Kompaniyangizning yangi loyihalarga qo‘l urishiga nima undamoqda?
Muhammad Abdulla Abunayyan: “Bilasizmi, bugun 7,5 mln dollarlik loyihaga egamiz. Bu juda qisqa vaqt ichida. Biz 14 ta mamlakatda ishlagan bo‘lsak, bu Saudiya Arabistoni tashqarisida juda tez hayotga tatbiq etilgan birinchi eng yirik loyihadir. Bu o‘z navbatida mamlakatdagi tizimga, davlat rahbariga va yana yangi istiqbolli loyihalarni amalga oshirishimizga bo‘lgan ishonch belgisi. Bugun allaqachon yangi qo‘shma dasturlarni ham muhokamasiga kirishganmiz”.
Jurnalist: Kompaniyangizning O‘zbekiston energetika tarmog‘i bilan amalga oshiradigan yangi rejalari haqida ayta olasizmi?
Muhammad Abdulla Abunayyan: “Bizning rejalar ulkan. Bugun ularni Energetika vaziri bilan gaplashib oldik. Bu borada yana 16-17-may kunlari Samarqanddagi uchrashuvimizda muzokaralarni davom ettiramiz. Ya’ni bu shunchaki amaldagi loyihalar muhokamasi emas, balki may oyigacha va undan keyingi rejalarimiz, davlatlarimiz yetakchilari tomonidan oldimizga qo‘yilgan vazifalar ijrosini ta’minlash bo‘yicha yangi loyihalarga kirishamiz. Ya’ni ushbu hamkorlik ko‘lamini yanada kengaytirish. Boisi faol va mustahkam aloqalar ikkala mamlakat iqtisodi uchun mamfaatli bo‘ladi.
O‘zbekiston – maqsad va vazifalar ijrosini ta’minlashda munosib namuna. Alohida ta’kidlashni istardimki, O‘zbekiston Prezidenti janobi oliylari inson qadrini bugun ustuvor qo‘ygan. Ularning o‘qishi, bilim olishi, yaxshi ish o‘rinlariga ega bo‘lishi va albatta shu orqali iqtimoiy-ijtisodiy farovonligini oshirish uchun barcha imkoniyatlarni yaratish davlat siyosatidagi asosiy masalaga aylangan. Nafaqat strategiya va qarashlar, balki amalda islohotlar o‘z natijasini ko‘rsatmoqda. “ACWA Power” kompaniyasi ushbu sa’y-harakatlarning bir qismiga aylanayotgani biz uchun chindan ham katta sharaf”.
552
