Янги йил – бу шундай бир вақтки, унда сиз кимнидир орзусини амалга оширишга ҳаракат қилишингиз, энг хайрли ишларни қилишингиз, одамларга совғалар беришингиз ва ғамхўрлик қилишингиз керак.
Республика Шошилинч тиббий ёрдам илмий марказининг (РШТЁИМ) Бухоро вилоят филиалига тиббий кислород станцияси эса ЛУКОЙЛнинг Бухоро аҳолисига чинакам янги йил совғаси булди. Ушбу ускунанинг республикада ўхшашлиги йўқ ва Бухоро филиали бундай тиббий ускуналарни ўрнатган биринчи шошилинч тиббий ёрдам муассасасига айланади.
РШТЁИМнинг Бухоро вилоят филиали директори профессор Маджит Кенжаевнинг таъкидлашича, кислород станцияси беморларга юқори сифатли шошилинч тиббий ёрдам кўрсатиш учун зарур ускунадир. Илгари, марказ доимий равишда муҳтож беморларни тиббий кислород билан мунтазам таъминлаш масаласини ҳал қилишда муайян қийинчиликларга дуч келган.
Шундай қилиб, унинг сўзларига кўра, ҳар куни марказга 200 дан ортиқ одамлар мурожаат қилади, улардан 50 га яқин киши доимий кислород билан касалхонага ётқизилишга муҳтож.
Биз ҳар куни жароҳатланган ва ҳар хил касаллиги бор одамларга шошилинч тиббий ёрдам кўрсатамиз. Тиббий кислород станцияси шошилинч беморларни тозаланган ва сифатли кислород билан таъминлаш билан боғлиқ барча муаммоларни ҳал қилади.
Бу Ўзбекистондаги бутун шошилинч ёрдам тизими учун олдинга қўйилган катта қадамдир. Биз бундай замонавий ускуналар билан республикадаги биринчи марказга айландик, бошқа шошилинч тиббий ёрдам марказларида эса у ҳали мавжуд эмас. Энди биз ўз станциямиздан фойдаланиб, учинчи томон таъминотидан воз кечиш ва реанимация ишончлилигини ошириш орқали кислородли газ аралашмаларига бўлган эҳтиёжни мустақил равишда қондиришимиз мумкин.
Шуниси эътиборга лойиқки, энди ушбу кислород станциясининг ёрдами билан қўшни ҳудудлардаги бошқа шошилинч тиббий ёрдам марказларининг эҳтиёжлари учун кислород балонлар тўлдирилади. Кўрсатилган ёрдам учун ЛУКОЙЛ компаниясига ўз миннатдорчилигимни билдирмоқчиман, чунки бизнинг марказимизни тозаланган кислород билан таъминлашга қаратилган юқори технологияли ускуналар билан жиҳозлаш Бухоро вилояти аҳолисига тиббий ёрдам сифатини янги даражага кўтаради. Хайрия ёрдами учун ЛУКОЙЛга миннатдорчилик билдирамиз.
Республика Шошилинч тиббий ёрдам илмий марказининг
Бухоро вилоят филиали директори профессори, Маджит Кенжаев
1359
