Ўзбекистон Республикаси Президенти Ш.М.Мирзиёевнинг Ўзбекистон Республикасининг кимё ва энергетика тармоқларини ривожлантиришга оид топшириқларини бажариш, газга чуқур ишлов бериш мақсадида – Ўзбекистон Республикаси Энергетика вазирлиги ва "Uzbekistan Hydrogen Peroxide" МЧЖ ҚК томонидан янги лойиҳа – Ўзбекистон Республикасида водород пероксиди ишлаб чиқариш бўйича заводни қуриш бўйича янги лойиҳага старт берилди.
"Uzbekistan Hydrogen Peroxide" МЧЖ ҚК – газга чуқур ишлов бериш бўйича лойиҳаларни амалга ошириш мақсадида махсус ташкил қилинган ишлаб чиқариш компаниясидир.
Замонавий завод йилига 50 минг тонна юқори сифатли, ҳам ички, ҳам ташқи бозорларда унга талаб катта бўлган маҳсулот ишлаб чиқаради.
Лойиҳанинг амалга оширилиши Ўзбекистон Республикасида тўлиқ водород пероксиди импортининг ўрнини босишга, маҳсулотнинг бир қисмини МДҲ мамлакатларига ва узоқ хориж давлатларига экспорт қилишга, шунингдек қўшимча иш ўринларини яратишга хизмат қилади.
Ушбу маҳсулотга тиббиёт, тўқимачилик, целлюлоза-қоғоз ва тоғ-кон саноатларида, оқова сувлари аэрацияси корхоналарида, озиқ-овқат маҳсулотларига қайта ишлов бериш, чиқиндиларга ишлов бериш соҳаларида талаб катта, айни пайтда у техник ва экологик хавфсизликнинг барча талабларига жавоб беради.
Лойиҳага сарфланадиган инвестицияларнинг умумий ҳажми 40 млн.АҚШ долларини ташкил этади ва у икки босқичда амалга оширилади:
биринчи босқич – водород пероксиди (Н2О2) ишлаб чиқариш заводини қуриш;
иккинчи босқич - перкарбонат натрий (Na2CO3•1,5H2O2) ишлаб чиқариш бўйича завод қуриш;
Лойиҳа Навоий ЭИЗ да амалга оширилади ва 2021 йилнинг баҳорида заводнинг ишга туширилиши режалаштирилган.
1399
