Жорий йилнинг 20 январь куни Ўзбекистон Республикаси Энергетика вазирлигида Хитойнинг China Machinery Engineering Corporation (CMEC) компанияси президенти Фан Яншуи раҳбарлигидаги делегация аъзолари билан учрашув бўлиб ўтди.
CMEC Хитойнинг энг йирик муҳандислик-савдо компанияларидан бири бўлиб, электр энергиясини ишлаб чиқариш, узатиш ва тақсимлаш соҳасида энергия объектларини қуришга ихтисослашган. Бугунги кунда CMEC дунёнинг 150 дан ортиқ мамлакатида фаолият кўрсатмоқда.
Музокара давомида инвестиция лойиҳаларини амалга ошириш ва Хитой компаниясининг иссиқлик электр станциялари, қуёш фотоэлектр станциялари қурилиши бўйича истиқболли лойиҳаларда иштироки, шунингдек, нефть-газ ва энергетика ускуналарини ишлаб чиқаришни маҳаллийлаштириш имкониятлари муҳокама этилди.
Музокаралар якунига кўра, Хитой компанияси энергетика ва нефть-газ саноатида истиқболли инвестиция лойиҳаларини амалга ошириш доирасида тендер савдоларида қатнашишга таклиф қилинди.
Ўзбекистон Республикаси
Энергетика вазирлиги Матбуот хизмати
991
